Баруун бүсэд Г.Шижирбаатарын шарга шүдлэн түрүүллээ

"Очирваанийн хурд-2023" баруун бүсийн уралдаанд 137 үрээ уралдахаар бүртгүүлснээс 120 нь гарааны зурхай руу хөдөлсөн байна. 

Шүдлэн-120:

1.Говь-Алтай аймгийн Баян-Уул сумын уугуул Ганпүрэвийн Шижирбаатарын шарга.Уяа сойлгыг Говь-Алтай аймгийн Баян-Уул сумын уугуул Түдвэннямын Батжаргал. Хэдхэн хоногийн улсын наадамд 11-д хурдалсан. Хавар Сэлэнгэ аймгийн бүсэд түрүүлсэн. 

2.Завхан аймгийн Яруу сумын уугуул Тод манлай уяач Дашзэвэгийн Дагвадоржийн загал. Уяа сойлгыг нийслэлийн Алдарт уяач Батсайханы Пүрэв-Очир. Тод манлайн унаган.

3.Завхан аймгийн Нөмрөг сумын уугуул Маналжавын Гантулгын хээр.Уяа сойлгыг Төв аймгийн Заамар сумын харьяат аймгийн Алдарт уяач  Чинбатын Очирбат. Хэдхэн хоногийн өмнө Нөмрөг сумын 100 жилийн ойд айргийн дөрөвт хурдалсан. 

4.Завхан аймгийн Алдархаан сумын харьяат Шагдарын Ганболдын бор. Бор үрээ  Завхан аймгийн Тосонцэнгэл сумын уугуул Тод манлай уяач Төмөрбаатарын Галбадрахын унаган хүлэг. Уяа сойлгыг МУ-ын Алдарт уяач Мягмарсүрэнгийн Алтан-Очир. 

5.Завхан аймгийн Түдэвтэй сумын уугуул аймгийн Алдарт уяач Гэзгээгийн Батбаатарын  загал. Алдартын унаган адуу. Загал үрээ өнгөрсөн жил Алдархаан сумын 100жилд, харин өнөө жил Нөмрөг сумын 100 жилийн ойд тус тус түрүү магнайд хурдалжээ.

6.Завхан аймгийн Тосонцэнгэл сумын уугуул Тод манлай уяач Төмөрбаатарын Галбадрахын бор.Уяа сойлгыг МУ-ын Алдарт уяач Мягмарсүрэнгийн Алтан-Очир. Даагандаа улсын наадамд долоод хурдалсан.

7.Төв аймгийн Баянжаргалан сумын харьяат Нарангэрэлийн бор. Даагандаа баруун бүсийн уралдаанд айрагдаж байсан бор үрээг Батмөнхийн Булгадай уяжээ.

8.Говь-Алтай аймгийн Эрдэнэ сумын уугуул Цогбаярын Хүрэлтулгын  хүрэн. Улсын наадамд зургаад хурдалсан. 

9.Увс аймгийн Улаангом сумын харьяат, аймгийн Алдарт уяач Энхболдын Зоригийн цавьдар. Уяа сойлгыг Мөнхжаргалын Содтүрүү тааруулсан. 

10. Увс аймгийн Улаангом сумын харьяат, аймгийн Алдарт уяач Энхболдын Зоригийн хээр халзан. Уяа сойлгыг Мөнхжаргалын Содтүрүү тааруулсан. 

Б.Хастөр