Ногооннуур сумын 60-н жилийн ой болно

Намар цаг хаяанд ирснээр наадамчин олны маань хөл татарч, ногоо өвсний ажил эхэлж байгаа билээ. Сүүл мушгих наадмын товыг дуулгахад Баян-Өлгий аймгийн Ногооннуур сум байгуулагдсаны 60-н жилийн ойн баяр наадам 2012 оны 09-р сарын  7,8,9-ны өдрүүдэд болох аж. Уг наадамд зургаан насны морь уралдаж, хүчит бөхчүүд эр бяраа шалган барилдаж, эрхий мэргэн харваачид цэц мэргээ солих гэнэ. Энэхүү наадам нь томоохон хэмжээний баяр учраас Баян-Өлгий аймгийн бүх сумдаас хурдан хүлгэд, уяачид ирэх ажээ. Түрүү морийг гурван сая төгрөгөөр, бага насны түрүүг саяас хоёр саяын хооронд байлах юм байна.

Ш.Бадмаа