АХ-ын 91 жилийн ойн баяр наадмын түрүү дааганы унаач Б.Солонго: Аавынхаа захиснаар хамгийн урд талд гарсан

А.Тэлмэн
2013 оны 1-р сарын 10 -нд
Ардын хувьсгалын 91-н жилийн ойн хурдан дааганы уралдаанд Өвөрхангай Аймгийн Бүрд сумын уугуул, аймгийн Алдарт уяач Г.Батдэлгэрийн хар халзан түрүү магнайд хурдлан ирээдүйн түмэн эх болохоо харуулж одтой сайхан наадсан. Халзан даагыг  Батдэлгэр уяачийн бага охин Б.Солонго унаж хурдлуулсан билээ. “Аавынхаа захиасыг дагасаар  байгаад даагаа түрүүлгэчихлээ” хэмээн цовоо унаач баярын сэтгэгдлээсээ хуваалцсан юм.
- Баяр хүргэе. Даага нь түрүү магнайд хурдаллаа. Миний дүү хэдэн настай вэ? Хэд дэх жилээ морь унаж байна вэ?
- Баярлалаа. Би есөн настай. Анх удаа хурдан морь унаад халзан даагаа түрүүлгэсэндээ үнэхээр их баярлаж байна. Үнэхээр гоё байна.
- Аав нь даага мордоход юу гэж захисан бэ?
- Аав “Миний охин гараанаас гарахдаа хамгийн түрүүнд гардаг юм  шүү” гэж захисан. Аавынхаа хэлснээр аль болох түрүүлж гарахыг хичээж, түрүүний хэдэн даагатай хамт гараанаас гарсан. Гэхдээ уралдааны замд аавынхаа захиснаар даагаа ажиглаад л яваад байсан. Нэг л мэдэхэд барианд түрүүлээд ороод ирсэн. Маш их баярласан. Ахиад олон морь унана гэж бодож байгаа.
- Баярлалаа. Цаашдаа унасан болгон нь хурдалж олон айраг түрүү авахыг хүсье.
- Баярлалаа.
АХ-ын 91 жилийн ойн баяр наадмын түрүү дааганы унаач Б.Солонго: Аавынхаа захиснаар хамгийн урд талд гарсан
АХ-ын 91 жилийн ойн баяр наадмын түрүү дааганы унаач Б.Солонго: Аавынхаа захиснаар хамгийн урд талд гарсан

2 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.