ММСУХ-ны удирдах ажилтны III зөвлөгөөн болно

ММСУХ-ны удирдах ажилтны III зөвлөгөөн энэ оны дөрөвдүгээр сарын 20-нд Улаанбаатар хотноо болох гэж байна. Салбар холбоодын тэргүүд, нарийн бичгийн дарга нар оролцох тус уулзалт зөвлөгөөнөөр салбар холбоодын ажлын тайлан, холбоодтой хийсэн гэрээний дүгнэлт, Монголын үндэсний хурдан  морины уралдааны зохион байгуулалт, хурдан морь унаач хүүхдийн аюулгүй байдал, хамгаалалтын хувцас хэрэгсэл зэрэг асуудлыг хэлэлцэх ажээ. Зөвлөгөөнд оролцох салбар холбоод өнгөрсөн оны ажлын тайлан, 2013 онд хийх ажлын төлөвлөгөөгөө ММСУХ-нд энэ сарын 12-ны дотор ирүүлсэн байх ёстой ажээ. Энд 2012 онд зохиогдсон хурдан морины уралдаан, оролцсон уяачид, унаач хүүхдийн тоо, 2009 оноос хойшхи уралдаан, наадамд оролцсон унаач хүүхдийн бэртэл гэмтэл ослын талаархи тоо баримт, унаач хүүхдийн хувцас хамгаалалтын хангалтын байдал,  унаач хүүхдийн даатгалд хамрагдсан байдал гэхчилэн олон зүйлийг салбар холбоод бэлтгэж, урьдчилан ирүүлсэн байх ёстой ажээ.

А.Мөнх