Хөдөлмөрийн баатрын мялаалга наадамд 230 гаруй хүлэг тоосоо өргөжээ

Монгол улсын Зууны манлай уяач, Хөдөлмөрийн баатар, Гавьяат малчин, судлаач, удам дамжсан, Тод манлай уяач М.Данзаннямын Даваахүүгийн нэрэмжит наадам есдүгээр сарын 29-нд Төв аймгийн Баянцагаан суманд болж өнгөрлөө. Их нас, хязаалан,соёолон насны морьдын уралдаан, хүчит 32 бөхийн барилдаан, шагайн харваагаар наадсан эл баярт Хэнтий, Сүхбаатар, Төв, Дундговь, Өвөрхангай, Өмнөговийн зочид саатсан байлаа.

Энд 108 их нас мордсоноос:
1. Өвөрхангай аймгийн Уянга сумын харьяат, аймгийн Алдарт уяач Б.Даваадоржийн хээр
2. Дундговь аймгийн Сайхан-Овоо сумын харьяат Ж.Угтахбаярын цэгээн
3.Дундговь аймгийн Сайхан-Овоо сумын харьяат А.Болдбаатарын хар
4. Өмнөговь аймгийн харьяат Хүрлээгийн хүрэн
5. Төв аймгийн Баянцагаан сумын харьяат Ширнэнгийн халтар тус тус хурдалжээ.

Соёолон-75
1. Төв аймгийн Алтанбулаг сумын харьяат Б.Батхүүгийн борлог
2. Говь-Алтай аймгийн Дэлгэр сумын харьяат Б.Осоргаравын шарга
3. Төв аймгийн Баянжаргалан сумын харьяат Д.Баяндүүрэнгийн өсгий цагаан хүрэн
4. Төв аймгийн Жаргалант сумын харьяат Д.Очирсүрэнгийн сартай хонгор
5. Өвөрхангай аймгийн Баянгол сумын харьяат Д.Төмөрбаатарын саарал

Хязаалан-50гаруй
1. Өвөрхангай аймгийн Тарагт сумын харьяат Жүгдэрнамдагийн хар
2. Говь-Алтай аймгийн Дэлгэр сумын харьяат Б.Осоргаравын зээрд халзан
3. Дундговь аймгийн Цагаандэлгэр сумын харьяат, аймгийн Алдарт уяач  Г.Отгонгэрэлийн зээрд
4. Ховд аймгийн Чандмань сумын харьяат Б.Махвалын харлаг
5. Монгол улсын Алдарт уяач Гончигийн Содномын хүрэн тус тус айргийн таваар хурдалсан юм.

Харин хүчит бөхийн барилдаанд Архангай аймгийн Хашаат сумын уугуул, МУ-ын заан Ч.Санжаадамба түрүүлж, Төв аймгийн Баянцогт сумын харьяат, Монгол улсын харцага Ө.Даваабаатар үзүүрлэсэн юм. Шөвгийн дөрөвт Төв аймгийн Баянхангай сумын харьяат, Монгол улсын заан Б.Батмөнх, Өмнөговь аймгийн Ханхонгор сумын харьяат, МУ-ын начин Ц.Одбаяр нар тунаж үлдэн уран мэхийг уралдуулсан нь энэ байлаа.

Тэгвэл шагайн харваачид хоёр өдөр наадаж шилдгүүдээ тодруулсан байна. 180 гаруй харваач цэц мэргээ сорьсоноос Ц.Энхбат ахлагчтай Төв аймгийн баг тэргүүлж, Тод манлайн хишгийг хүртэцгээлээ.
Нэмж сонирхуулахад нас бүрийн түрүү морьдыг тус бүр гурван сая төгрөгөөс эхлэн байлжээ.

А.Дөл