Морины зүтгэлтнүүд “Эрдэнийн очир”-оор гоёлоо

Жил бүр ММСУХ-ны Рейтингийн зөвлөлийн шийдвэрээр мориныхон чансаатай есөн уяач, есөн унаач хүүхэд, есөн азарга есөн их морьдыг тодруулдаг уламжлалтай. Арванхоёрдугаар сарын 8-нд зургаадугаар их хурлаа мориныхон, тэр өдрөө шинэ жилийн баяраа тэмдэглэж, шагналын хур буусан юм. Энэ жил “Молор эрдэнэ”-ийн эзэд дөрвөөр нэмэгдсэн бол МУ-ын Тод манлай уяач Х.Бат-Эрдэнэ Монголын хурдан морины уралдааныг хөгжүүлэх үйлсэд оруулж буй хувь нэмрээ үнэлүүлж “Алтан морь”-ны зургаа дахь эзэн болсон билээ. Мөн энэ үеэр морины зүтгэлтнүүдэд “Эрдэнийн очир” шагналыг гардууллаа. Анх удаагаа олгож байгаа тус шагналын эздээр МУ-ын СГЗ А.Баярмагнай, МУ-ын Тод манлай уяач Ц.Батсайхан, сэтгүүлч Л.Цагаандалай, Завхан аймгийн Эрдэнэхайрхан сумын уугуул Н.Даш-Өлзий, МУ-ын Тод манлай уяач Д.Ганбаатар, Говь аймгийн МСУХ-ын тэргүүн Д.Гомбожав, Сэлэнгэ аймгийн МСУХ-ны тэргүүн Г.Бямбаа, Увс аймгийн МСУХ-ны тэргүүн Ю.Төгсжаргал, Төв аймгийн Сэргэлэн сумын уугуул О.Батбилэг, Говьсүмбэр аймгийн МСУХ-ны тэргүүн Г.Шүрэнчулуун нарыг шагнасан юм. 

А.Дөл