"Тод магнай" сэтгүүлийн шинэ дугаар гарлаа

Морьтон монголчуудын мөнхийн омогшлыг дэврээсэн “Тод магнай” сэтгүүлийн 56 дахь дугаар уншигч таны өмнө дэлгэгдлээ. Төр түмнийхээ цэнгэлийг төгөлдөржүүлж, тоосоо өргөн шандас шалгасан буянт хүлгүүдийн хийморийн үүрсээн шингэсэн энэ удаагийн дугаарын зочин хойморт Төв аймгийн Баянцагаан сумын уугуул, аймгийн Алдарт уяач Даваахүүгийн Баянбат уригдан оролцлоо. Монгол төрийн наадамд гурван үеэрээ азарга түрүүлгэсэн шинэхэн амжилтын эзэн ямархан хууч дэлгэснийг та 4-9 нүүрнээс хүлээн авч уншаарай.
Сэтгүүлийн дараагийн хуудсуудаас АХ-ын 93 жилийн ойн баяр наадамд түрүүлж, айрагдсан бага гурван насны морьдын эздийн баярын сэтгэгдэл, бяцхан унаачдын бахархлыг хуваалцах боломжтой. Баяр бахдал дүүрэн бичил ярилцлагууд уншигч танд улсын наадмыг эргэн санагдуулах биз ээ.
Жилээ даадаг наадмын сониноос уншигч танаа хуваалцан баяр наадмын хурдан морины комиссын гишүүн Д.Зоригтбаатартай ярилцсанаа хүргэж байна. Уралдах морьдын шүд, үүлдэрлэг байдалд хяналт тавьдаг энэ эрхмийн яриа сонирхох сэдвийн нэг мөн гэдэгт эргэлзэхгүй байна.
Улсын наадамд унасан морьдоо түрүүлгэж, айрагдуулсан цовоо багачууд сүүлийн гурван жил амжилт тутамдаа сая төгрөгийн шагнал хүртэхээр болоод байгаа. Багачуудын магнайг тэнийлгэсэн буянт үйлсийн эзэн “Монгол глобал” компанийн захирал Б.Ганбаярын ярилцлагыг 42-44 нүүрнээс хүлээн авч уншаарай. Харин дараа дараагийн хуудсуудаас Монголын ууган тосгодын нэг Шувуу фабрик-Туул тосгоны 50, Халхгол, Цогтцэций сумын 90 жилийн ойн баяр наадмын дэлгэрэнгүй сурвалжлагыг сонирхож, Арын хангайн шигшмэл хурдан хүлгүүдтэй танилцах боломжтой. 

Уншигч та бүхэн "Тод магнай" сэтгүүлийн шинэ дугаараа сонин борлуулах цэгүүдээс болон 95092992, 94082992, 88891856 дугаарт холбогдон худалдан аваарай.