Азарганд өгсөн тэжээлийн шингэн, шимт чанар,хувь

Хүснэгтээс үзэхэд хадлангийн өвс, хошуу будааны сүрэл болон хүчэт тэжээлийн шимт бодисын шингэцийн итгэлцүүр нь тэжээлийн төрлөөс хамаарч янз бүр байх байдал ажиглагдсангүй. Энэ нь адууны  тэжээл боловсруулах физиологийн үйл ажиллагаатай холбоотой юм.

Тэжээлийн шингэцэд адууны үүлдэр нас, хүйс нөлөөлөхөөс гадна тэжээл өгсөн байдал, янз бүрийн тэжээлд дассан рефлекс, бие махбодын онцлогоос болж харилцан адилгүй байна. Адуу нэг тасалгаат ходоодтой тул хивэгч малыг бодоход бүдүүн, эслэг ихтэй тэжээлийг муу шингээдэг нь түүний хоол боловсруулах эрхтний үйл ажиллагаа, тогтолцоотой холбоотой юм. Адуу улаан буудайн хивэгний органик бодисын дөнгөж 20 хувийг шингээдэг байхад хонь 48 хувийг шингээн ашиглаж чаддаг.

Дасгал сургуулилт хийх
Аливаа төрөлжсөн үүлдрийн адуу үржүүлдэг улс орнуудад дасгал сургуулилтыг мхэд чухалчлан үзэж эрчимтэй явуулдаг бөгөөд энэ нь тухайн адууны хурдлах чадварыг хамгийн дээд хэмжээгээр илрүүлэн гаргахад ихээхэн ач холбогдолтой байдаг. Сайжруулагч үүлдрийн адуу бий болгосон туршлагаас үзэхэд дасгал сургуулилт нь маш их ач холбогдолтой байсан төдийгүй адууны хурдлах чадварыг сайжруулаад зогсохгүй бие мах бодийг улам сайн хөгжүүлж чийрэгжүүлэхэд чиглэсэн тухайн нас, тарга хүч, маллагааны арга хэлбэрт тохируулан урьдчилан төлөвлөж тооцсон, тогтмол, нарийн яанд мөрдөх дэс дараалалтай ажиллагаа юм.

Бид сайжруулагч үүлдрийн азарганд дасгал сургуулиллт дараах горимыг мөрдөн ажиллаж байна.

Өвөл 11-р сарын 15-наас 2-р сарын 15 хүртэл зөвхөн адууны байр орчимд өдөр бүр 30-45 минут орчим сулаар гүйлгэж алхуулах, шогшуулах, хатируулах, шогшуулах, алхуулах гэсэн дарааллаар баримтлан хөдөлгөж байв.

Цаг агаарын тааламжтай буюу гадаад орчны температур -10 хэмээс бага болох үе буюу 2-р сарын 15-наас эхлэн азаргыг унаж, салхилуулах бөгөөд хальтиргаа гулгаа ихтэй биш замаар, цасны нимгэнийг дагуулан 30 минутаас 1 цаг хүртэл зөөлөн явуулж эхэлнэ.

Харин цас бүрэн хайлж, хальтиргаа гулгаа арилсны дараагаас эхлэн дасгал сургуулилтын дараах горимыг мөрдөнө.

• Алхуулах 15-20 минут
• Шогшуулах 10 минут
• Хатируулах 5 минут
• Цогиулах 3000метр
• Хатируулах 3-5 минут
• Алхуулах 20-25 минут

Энэ дасгал сургуулилтын үед дунджаар 5-8 км замыг туулах бөгөөд хугацааны хувьд 1 цагаас хэтрүүлэхгүй байвал зохино.

Дасгал сургуулилт эхэлснээс 7-15 хоногийн дараагаас эхлэн азарганы хөл хөнгөрч, алхах, шогших үед хазаар даран, урагштэмүүлэн явамтгай болдог. Энэ үеэс эхлэн хатируулах хугацааг 10 минут болгон аажмаар туулах замыг 10 км хүртэл, явах цагийг 1 цаг 30 минут хүртэл нэмэгдүүлнэ. Анхаахар зүйл нь эхний 21 хоногт буюу азарганы биеийн чилээ бүрэн гарч, амьсгал задраагүй хар хурдаар нь давхиулж, тарлаж болохгүй. Мөн эдгээр азарга зориулалтын замаар уралддаг учир газры бартаа саад, хотгор гүдгэрийг сайн мэддэггүй учраас эхлээд морь унагч хүн замынхаа багцааг заавал урьдчилан мэдэж байх шаардлагатай.