Дарханы дэвжээнд дээгүүр үзэх нь хэн, хэн бэ
![](http://ulaanbaatar.todmagnai.mn/images/users/cube/d4ad3b8d662f3c44e3eb0c29ec6170f8.jpg)
![](http://todmagnai.mn/images/news/main/4461201411259431.gif)
Дархан-Уул аймгийн Дархан сум буюу бидний нэрлэж заншсанаар Дархан хотноо үндэсний бөхийн залуучуудын улсын аварга шалгаруулах барилдаан ирэх сарын 5-7-нд болохоор болжээ.
Энэхүү барилдаан нь алдарт бөхчүүдийн залгамжийг нээн тодруулах, үндэсний бөхийн ёс уламжлалыг залуустаа төлөвшүүлэх, мөн энэхүү барилдааны түүхэнд тодорсон бөхчүүдийн амжилт бүтээл, ажил үйлийг олонд таниулах зорилготой болж буй бөгөөд энэхүү барилдааны алт мөнгөн медальт, Сүхбаатар аймгийн Сүхбаатар сумын харьяат, Монгол улсын өсөх идэр, улам нэмэх начин Жанцангийн Чулуун агсны нэрэмжит болгон зохиохоор болжээ.
Жанцангийн Чулуун начин энэхүү тэмцээнээс 1976 онд алтан медаль, 1977 онд мөнгөн медаль хүртэж байсан бөгөөд төрийнхөө их баяр наадамд гурвантаа шөвгөрч, начин цолоо хоёр баталсан, самбо, жүдо бөхийн спортын мастер цолтой үнэн хүчит бөх байлаа. Тэрбээр анхны ерөнхийлөгчийн тангараг өргөх барилдаанд түрүүлж “Ерөнхийлөгчийн бөх” хэмээх алдрыг ард олноосоо хүртсэн бөгөөд олон жил амжилттай сайхан барилдсан харилтгүй хүчит бөх байсан билээ.
Өнөө жилийн тэмцээнд 1994 оны нэгдүгээр сарын нэгний өдрөөс 1995 оны арванхоёрдугаар сарын гучин нэгний хооронд төрсөн буюу 19-20 насны залуус өрсөлдөнө. Бөх сонирхогчдын анхаарлыг ихээхэн татдаг энэхүү барилдаанд хэн хэн дээгүүр өрсөлдөх магадлалтайг уншигчдадаа хүргэе.
1. Өлзийбаярын Дүүрэнбаяр. Жүдо бөхөөр Монголын хүнд жингийн ирээдүй гэдгээ нотлож дэлхийн залуучуудын аварга шалгаруулах тэмцээнд түрүүлсэн энэ залуу өнөө жил хорин настай. Улсын заан өвөөтэй, улсын начин аавтай энэ залуу өөрөө аймгийн начин цолтой бөх. Энгийн нэг аймгийн начин биш улсын наадамд гурав давсан бөх юм. Өсвөр үеийн улсын аварга шалгаруулах тэмцээнээс алт, мөнгө, хүрэл медаль аль алиныг авч байсан тэрээр өнөө жил Дарханд зодогловоос эхний гуравт, магадгүй хамгийн өндөрт ч зогсож магадлалтай.
2. Бередмуратын Серик. Төрсөн өссөн газар нь Дархан чигт дуулддаг энэ залуу өсвөр үед ч дөмөг нь байсан, залууст ч “чөмөг” нь байсаар байна. Өнгөрсөн жил уг тэмцээний аваргын алтан медалиас атгаад алдсан бөгөөд өнөө жил аварга болохоор бэлтгэлээ чамбайруулж байгаа сурагтай байна. Тэвчээртэй, нягт барилдаантай, түүний дээр цөөнгүй жил зодоглосон хашир туршлагатай энэ залуу баттай медальд хүрэх биз ээ.
3. Даваасүрэнгийн Аззаяа. Хэнтийн нэмэх начин өсвөр үе залуучуудад долдугаар байр эзэлж байсан. Биеэ сайн сулладаг, бяр жин ихтэй түүнийг өнөө жил медальд хүрэх болов уу хэмээн бөх сонирхогчид ярилцаж байна. Саяхан сургуулийнхаа аваргад үзүүрлэсэн бөгөөд барагтайд хазайхгүй байна лээ.
4. Ядамсүрэнгийн Бумбаяр. Өнөө жил Баянхонгорын Баян-Өндөрт түрүүлж сумын заан болсон энэ залуу Говь-Алтайн Эрдэнийх. Нааж хавирдаг, наалдаж хөлд ордог, хонгоддог, хутгадаг элдэвтэй барилдаантай. Өсвөр үе, залуучуудаас уран барилдааны шагналтай түүний хувьд өнөө жил дээгүүр үзэх нь тодорхой.
5. Батмөнхийн Содхүү. Өнгөрсөн жилийн энэ барилдаанд Говь-Алтайн Э.Жүгдэрнамжилд унаж шигшээгээс мултарсан ч өнөө жил дээгүүр үзэх бөхийн нэг гарцаагүй мөн. Эрэмгий дайчин барилддаг тэрээр хэнд ч бярдуулахгүй онцлогтой бөгөөд харин хэнийг ч бярдах арал, нуруу тэгш залуу. Бөхийн өргөөний сумын заануудад шөвгийн даваанд гарч барилддаг түүнийг хэр барилдахыг хэд хоногийн дараа үзэх боломжтой.
6. Очирын Баярцогт. Аралтай, биеийн галбир хийц сайхантай энэ залуу хатуу өрсөлдөгчдийн нэг. Өнөө жил хорин насандаа аймгийн начин цолд хүрсэн бөгөөд өсвөрийн улсын аваргаас дээр өгүүлсэн мундагуудтай өрсөлдөж зургадугаарт шалгарч байсан.
7.Эрдэнэбатын Лхамхүү. Уран барилдаанаараа нэгэн үе гайхуулж явсан гэгддэг, улсын начин Ж.Гэлэгийн удмын энэ залуу өсвөр багаасаа барилдсан бөх. Бяр хүч сорих тэмцээнд бага насандаа оролцож байсныг уншигчид санаж буй нь лавтай. “Strong men” хэмээх тэмцээнд хамгийн залуу нь арван таван настай Увсын Э.Лхамхүү оролцож байна хэмээн зурагтаар гарч байлаа. Тэгвэл тэр хүү өдгөө хорин нас хүрч, бяр хүч ид жагсчээ. Өсвөрийн улсын аваргаас медаль авсан үе шигээ өнгөтэй сайхан барилдвал медальд ч хүрч болно доо.
8. Энхмэндийн Өлзийсайхан. Хөвсгөлийн энэ хүүгийн тонгороо мэхийг хорих хүн ховорхон болов уу үе насныханд нь. 2012 оны өсвөрийн улсын аваргад дөрөвдүгээр байрт орохдоо арван тав, зургаан удаа солгой тонгорон давж, уран барилдааны шагнал авч байсан тэрээр сүүлийн үед гэмтэл бэртлээс шалтгаалж төдий л барилдахгүй байна. Хэрэв зодогловоос хэнд ч амар даваа өгөхгүй ээ.
9. Тогтохын Эрхэмбаяр. Цэргийн начин Тогтохын хүү цэнэж барилдвал шагналт байрт элбэгхэн орно. Хараатай, нягт барилддаг энэ залуу сүүлийн үед зодоглосонгүй. Магадгүй Дарханы дэвжээнд даацтай үзэхээр бэлдэж байгаа болов уу. Өсвөрийн улсын аваргын зургадугаар байрын шагналтай.
10. Ганбаатарын Эрдэнэбаяр. Улсын начин Ишдоржийн Ганбаатарын хүү тэрээр “Аварга” дээд сургуульд суралцаж байна. Биеийн хийц галбир, алхаа гишгээ намба төрхийг Монголын нэгэн цуут аваргын залуугийнх шиг хэмээн бөхийн том мэргэжилтнүүд үнэлсэн бөгөөд аралтай бяртай энэ хүү аавынхаа цолд хэзээ нэгэн цагт хүрэх биз ээ. Хүрэхийн өмнөх хүнд сорилтуудын нэг нь залуучуудын улсын аварга байх болов уу.
11. Будаагийн Батсайхан. Ойгүй бяртай гэгддэг энэ залуу өсвөрийн улсын аваргад төдий л сайн үзээгүй ч сүүлийн хоёр жил сүрхий сайжирсан юм. Хэнээс ч айхгүй, бэргэхгүй хийх гэснээ хийдэг онцлогтой бөгөөд бярдаж мушгих мэхийг нь барагтай хүн тогтоодоггүй гэлцдэг.
12. Ганболдын Төрмөнх. Дорнодын шинэ начин ирэх жил ч мөн зодоглох эрхтэй. Гэхдээ ирэх жил гэж алгуурлалгүй өнөө жил эвгүй үзэх магадлалтай. Хийц галбир, хийсэн мэхэндээ даацтай байгаа зэрэг нь хэн ч гэлээ харууштай сайхан. Төрсөн ах Төрболд нь ч мөн зодоглох болов уу.
13. Батсүхийн Зоригтбаатар. Өсвөрийн улсын аваргаас алтан медаль хүртсэн, эрмэг, зоримог, эвгүй барилдаантай энэ залуу залуучуудад анх удаа зодоглоно. Зоригтой барилдаад байхад Зоригтбаатар барагтай унахгүй дээ.
14. Энхтөрийн Мөнхбаатар. Улсын аваргаас хүрэл медальтай энэ залуу өнөө жил хөдөөгийн хүчтэн барилдаанд аймгаа төлөөлөн зодоглосон бөгөөд түүийхээ дараа “Аварга” сургуулийн оюутан болжээ. Сумын цолтны барилдаанд бас ч эвгүй барилдаж байгаа түүний хувьд бяраа тооцож, мэхээ гүйцээж барилдвал цөөнгүй даваа авах боломжтой.
15. Энхбатын Жүгдэрнамжил. Бэртэл гэмтлээс болж дөмөг үзэхгүй байгаа ч бэргэж айлгүй сайхан барилддаг бөх бол сумын харцага Жүгдэрнамжил юм. Тайшир сумандаа жил дараалан үзүүрлэсэн бөгөөд “олон” сумын заан Ойдовын Энхбатын хүү билээ. Өнгөрсөн жил Дарханд эвгүй үзсэн шиг ээ өнөө жил ч өөр үзэх магадлалтай.
Дээр нэрлэсэн залуусаас гадна Төвийн Б.Самданжамц, И.Мандах, Н.Дашдаваа, У.Цэндпүрэв, Б.Билгүүн, Хөвсгөлийн Ө.Ган-Эрдэнэ, Г.Өнөрбат, Увсын Д.Цэнд-Аюуш, Ц.Намжилдорж, Т.Төгсжаргал, Орхоны өндөр Мөнх-Эрдэнэ, Өвөрхангайн Х.Дашзэвэг, Б.Содномжамц, Сэлэнгийн Б.Очирхуяг, Дарханаас оролцох Хөвсгөлийн Г.Буянбат нар ч өрсөлдөнө.
Тус тэмцээний талаар дэлгэрэнгүйг манай сайтаас уншаарай.
Т.Түмэндэмбэрэл
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
-
42 минутын өмнө Ламын Гэгээний 385 жилийн ойд Б.Отгонсэлэнгийн Ава…
-
2 цагийн өмнө "Говьшанхын хурд-7" уралдаанд Д.Отгонлхагвын Солон…
-
17 цагийн өмнө Говийн бүсэд Ч.Батжаргалын халтар даага түрүүллээ
-
18 цагийн өмнө Төвийн бүсийн сонгомол бага ангилалд Х.Цогтсайханы…
-
19 цагийн өмнө Хангайн бүсэд Ч.Уламбаярын хээр соёолон түрүүллээ
-
20 цагийн өмнө Говийн бүсийн сонгомол дунд насны ангилалд Б.Норов…
-
22 цагийн өмнө Төвийн бүсийн сонгомол дунд насанд Б.Бат-Өлзийн ха…
-
23 цагийн өмнө "Говьшанх-7" говийн бүсийн уралдаанд Ц.Амарсанааги…
-
Өчигдөр, 09:41 минут Ламын Гэгээний 385 жилийн ойд Ч.Болд-Эрдэнийн халт…
-
Өчигдөр, 09:19 минут Төвийн бүсийн уралдааны сонгомол дээд насанд С.Бая…
-
Өчигдөр, 09:15 минут "Говьшанхын хурд-7" уралдаанд Б.Пүрэвжаргалын хүрэ…
-
7-р сарын 13 -нд АХ-ын 103 жилийн ойн сонгомол бага ангилалд Х.Гарь…
-
7-р сарын 13 -нд АХ-ын 103 жилийн ойн сонгомол бага ангилалд 106 да…
-
7-р сарын 13 -нд АХ-ын 103 жилийн ойн сонгомол дунд ангилалд эхний …
-
7-р сарын 13 -нд АХ-ын 103 жилийн ойн сонгомол дунд насны уралдаанд…
-
7-р сарын 13 -нд АХ-ын 103 жилийн ойн сонгомол дунд насанд 65 хурда…
-
7-р сарын 13 -нд АХ-ын 103 жилийн ойн сонгомол дээд насанд эхний 10…
-
7-р сарын 13 -нд АХ-ын 103 жилийн ойн сонгомол дээд насанд С.Баярса…
-
7-р сарын 13 -нд Сонгомол дээд насанд 79 хурдан хүлэг бүртгүүлжээ
-
7-р сарын 13 -нд Цоллооч хүүд Д.Чулуунбат Тод манлай даага амлав
-
7-р сарын 12 -нд АХ-ын 103 жилийн ойд эхний 10-т хурдалсан хурдан д…
-
7-р сарын 12 -нд АХ-ын 103 жилийн ойд Х.Улам-Өрнөхийн хээр даага тү…
-
7-р сарын 12 -нд 258 даага бүртгүүлжээ
-
7-р сарын 12 -нд АХ-ын 103 жилийн ойд эхний 10-т хурдалсан хурдан с…
-
7-р сарын 12 -нд Уралдаанч Б.Энх-Очир: Захаар нь дайрч ороод Нандин…
-
7-р сарын 12 -нд АХ-ын 103 жилийн ойд Хишиг-Очирын Бөхбатын хүрэн с…
-
7-р сарын 12 -нд 217 соёолон бүртгүүлж, 152 нь гараа руу хөдөлжээ
-
7-р сарын 11 -нд АХ-ын 103 жилийн ойд эхний 10-т хурдалсан их насны…
-
7-р сарын 11 -нд АХ-ын 103 жилийн ойд Б.Ерөөлтийн халтар морь түрүү…
-
7-р сарын 11 -нд 228 их насны морь бүртгүүлжээ
-
7-р сарын 11 -нд АХ-ын 103 жилийн ойд эхний 10-т хурдалсан хурдан а…
-
7-р сарын 11 -нд АХ-ын 103 жилийн ойд С.Гал-Эрдэнийн Нандин хонгор …
-
7-р сарын 11 -нд 192 азарга бүртгүүлжээ
-
7-р сарын 10 -нд АХ-ын 103 жилийн ойд эхний 10-т хурдалсан хурдан ш…
-
7-р сарын 10 -нд Ц.Дагвасүрэнгийн хул шүдлэн түрүүллээ
-
7-р сарын 10 -нд 254 шүдлэн бүртгүүлжээ
-
7-р сарын 10 -нд АХ-ын 103 жилийн ойд эхний 10-т хурдалсан хязаалан…
-
7-р сарын 10 -нд Батсуурийн Чинзоригийн хээр хязаалан түрүүллээ
-
7-р сарын 10 -нд 156 хурдан хязаалан гарааны зурхайгаас эргэлээ
-
7-р сарын 10 -нд Хязаалан 256 бүртгүүлжээ
-
2024 оны 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
-
2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
-
2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
-
2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
-
2024 оны 3-р сарын 19 -нд 2023 оны ММСУХ-ны чансаа өндөр уяачид
-
2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
-
2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
-
2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
-
2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
-
2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
-
19 цагийн өмнө Хангайн бүсэд Ч.Уламбаярын хээр соёолон түрүүллээ
-
Өчигдөр, 09:41 минут Ламын Гэгээний 385 жилийн ойд Ч.Болд-Эрдэнийн халт…
-
23 цагийн өмнө "Говьшанх-7" говийн бүсийн уралдаанд Ц.Амарсанааги…
-
Өчигдөр, 09:15 минут "Говьшанхын хурд-7" уралдаанд Б.Пүрэвжаргалын хүрэ…
-
18 цагийн өмнө Төвийн бүсийн сонгомол бага ангилалд Х.Цогтсайханы…
-
20 цагийн өмнө Говийн бүсийн сонгомол дунд насны ангилалд Б.Норов…
-
2 цагийн өмнө "Говьшанхын хурд-7" уралдаанд Д.Отгонлхагвын Солон…
-
Өчигдөр, 09:19 минут Төвийн бүсийн уралдааны сонгомол дээд насанд С.Бая…
-
22 цагийн өмнө Төвийн бүсийн сонгомол дунд насанд Б.Бат-Өлзийн ха…
-
42 минутын өмнө Ламын Гэгээний 385 жилийн ойд Б.Отгонсэлэнгийн Ава…
-
17 цагийн өмнө Говийн бүсэд Ч.Батжаргалын халтар даага түрүүллээ
Сэтгэгдэл бичигдээгүй байна