Т.Батзоригийн хар бор

АХ-ын 93 жилийн ойн баяр наадмын хурдан хязаалангийн уралдаанд хээр үрээгээ түрүүлгэсэн Дорнод аймгийн Цагаан-Овоо сумын уугуул, аймгийн Алдарт уяач Түвдэнжаажидын Батзоригийн хар бор даага эрлийз бага насны ангилалд аман хүзүүнд хурдалсан билээ.
Хар борын эх нь Алдартын унаган бор гүү. Бүр тодруулбал өнөө жил айргийн гуравт хурдалсан Булган аймгийн Хутаг-Өндөр сумын уугуул, “Булганхангай” МСУХ-ны тэргүүн Жадамбын Бат-Эрдэнийн ногоон үрээний төрсөн эгч бор гүү юм. Харин эцэг нь Атланта нэртэй хүрэн халзан Англи азарга байсан аж. Хар бор үрээ улсын наадмын дараа “Дорнод талын хурд-2014” зүүн бүсийн уралдаанд хараахан айрагдаж чадалгүй зургаад  хурдалсан юм.
"Тод магнай" сэтгүүл №58