Хан Хэнтийн оны шилдгүүд

Сар шинийн өмнө хоёрдугаар сарын 15-нд “Сэцэн ханы хүлэг” МСУХ баярын хурлынхаа дараа ёслолын үйл ажиллагаа зохион байгуулж, 2014 оны шилдгүүдээ тодрууллаа.
Шилдгийн шилдэг уяачаар: Архангай аймгийн Ихтамир сумын уугуул, Хэнтий аймгийн Баянхутаг сумын харьяат Э.Дашчийрэв
Шилдэг уяачаар: Цэнхэрмандал сумын уяач Д.Мөнхдэлгэр, Галшар сумын уяач А.Амарбат, Дадал сумын уяач Б.Батцагаан
Шилдэг уралдаанчаар: Хэрлэн сумын сурагч Э.Отгонхүү, П.Лхагвадорж, Биндэр сумын сурагч Т.Гантулга, Баянмөнх сумын сурагч Г.Хатантулга, Өлзийт тосгоны сурагч Н.Отгонбаатар
Шилдэг уяачдын холбоогоор: Б.Энхтайван тэргүүнтэй Галшар сумын МСУХ, н.Батзориг тэргүүнтэй Дадал сумын МСУХ, МУ-ын Алдарт уяач Д.Энхсүх тэргүүнтэй Мөрөн сумын МСУХ, Л.Гомбодорж тэргүүнтэй Бор-Өндөр сумын МСУХ, С.Өлзийбаатар тэргүүнтэй Батноров сумын МСУХ тус тус тодорсон юм.
Мөн жилийн дөрвөн улиралд халуунд халж, хүйтэнд хөрч явдаг уяачдынхаа аз хийморийг сэргээж хонжворт сугалаа зохион байгуулсан.
Азтанаар:
1. Батноров сумын уугуул, аймгийн Алдарт уяач Б.Алтанхуяг /хазаар/
2. Галшар сумын уяач Б.Очирбат /Жаргалын найман морь бүхий жаазтай зураг/
3. Дадал сумын уугуул н.Одонхүү /даага/
4. Хэрлэн сумын МСУХ-ны тэргүүн Д.Баярхүү /даага/ нар шалгарсан юм.
Ийнхүү хоёр дахь жилдээ зохион байгуулсан “Сэцэн ханы хүлэг” МСУХ-ны уяачдын баяр дуу хуур, инээд хөөр дүүрэн сайхан болж өндөрлөлөө.
У.Энхмаа