“Чин вангийн хурд” МСУХ-ны 10 жилийн ойд зориулсан уралдаанаас...

Булган аймгийн Бугат сумын "Чин Вангийн хурд” МСУХ-ны 10 жилийн ойд зориулсан аймгийн хойд бүсийн дээд гурван насны морьдын уралдаан шинийн 4-ний билэгт сайн өдөр зохиогдлоо. Уралдаанд Булган, Хөвсгөл, Сэлэнгэ, Төв, Орхон аймгуудын хийморилог уяачдын 120 гаруй хурдан хүлэг тоосоо өргөсөн юм.
Азарганы уралдаанд 30-аад хурдан хүлэг уралдсанаас:
1. Булган аймгийн Сэлэнгэ сумын уяач н.Нэргүйбаатарын бор
2. Булган аймгийн Баян-Агт сумын уяач н. Отгонтэнгэрийн Сүүн хээр
3. Булган аймгийн Сэлэнгэ сумын уяач н. Энхбатын бор
4. Булган аймгийн Орхон сумын уугуул, аймгийн Алдарт уяач Наранпүрэвийн бор
5. Булган аймгийн Бугат сумын уяач Ж.Батсуурийн цавьдар
Их насны морьдын уралдаанд 60 хурдан ажнай шандас шалгаснаас:
1. Булган аймгийн Бугат сумын уугуул, сумын Алдарт уяач Ж.Бат-Өлзийн Гоё хүрэн
2. Орхон аймгийн Жаргалант сумын уяач н.Эрдэнэболдын хүрэн
3. Булган аймгийн Бугат сумын уяач Э. Энх-Амгалангийн хүрэн
4. Булган аймгийн Бугат сумын уугуул, аймгийн Алдарт уяач Б. Эрдэнэтүлхүүрийн хонгор     
5. Булган аймгийн Бугат сумын уугуул, сумын Алдарт уяач Д. Пүрэвбатын хар
Соёолонгийн уралдаанд 32 үрээ уралдсанаас:
1. Орхон аймгийн Баян-Өндөр сумын уяач н.Мөнхсүхийн зээрд
2. Сэлэнгэ аймгийн Баруун бүрэн сумын уяач М.Энхбатын загал   
3. Булган аймгийн Хутаг-Өндөр сумын уяач Ц. Ганзоригийн Янзаган цоохор
4. Булган аймгийн Баян-Агт сумын уяач н.Отгонтэнгэрийн Сүлд хүрэн
5. Булган аймгийн Бугат сумын уяач Ж.Батсуурийн халиун тус тус түрүүлж, айрагджээ.
Түүнчлэн Бугат сумын "Чин вангийн хурд" МСУХ нь 2015 оны уяачдын зөвлөгөөнөө амжилттай зохион байгууллаа. Зөвлөгөөнд 90 гаруй уяач оролцсон бөгөөд МУ-ын сайн малчин, Тод манлай уяач Г.Сандуйжав, аймгийн МСУХ-ны тэргүүн Ж. Бат-Эрдэнэ, дэд Тэргүүн Ц.Батбаяр нар урилгаар хүрэлцэн ирсэн юм.
"Чин вангийн хурд" МСУХ-ны 2014 оны ажлын тайлан мэдээлэл, 2015 оны зорилтын тухай тэргүүн Б.Бадарч, аймгийн МСУХ-ны 2014 оны ажлын тайлан, 2015 оны зорилтын тухай тэргүүн Ж.Бат-Эрдэнэ танилцуулсан бол Тод манлай уяач Г.Сандуйжав уяачдад сургалт явууллаа.
"Чин Вангийн хурд” МСУХ