АХ-ын 86 жилийн ойн баяр наадамд түрүүлж, айрагдсан хурдан азарганууд

1.Дундговь аймгийн Өлзийт сумын уугуул “Мон Уран” ХХК-ийн захирал, аймгийн Алдарт уяач Батсүхийн Наранхүүгийн бага шарга.  Шарга азарга 2000 онд шүдлэндээ АХ-ын 79 жилийн ойн баяр наадам болон “Тамирын хурд-2000” наадамд тус тус түрүүлэн, мөн Өвгөн ноён Хардэл жанжин бэйс Пүрэвжавын нэрэмжит зүүн бүсийн уралдаанд айргын гуравт, 2001 онд АХ-ын 80 жилийн ойн наадамд айргийн дөрвөөр ирж, дараа жил нь соёолондоо АХ-ын 81 жилийн ой, төрийн их баяр наадам болон давхар уяагаар Дундговь аймгийн 60 жилийн ойн баяр наадамд магнайдаа тоосгүй хурдалж, 2003 онд АХ-ын 82 жилийн баяр наадамд айргийн дөрвөөр давхиж, үүний дараа 2004 онд АХ-ын 83жилийн ой, Алтан Овооны төрийн тахилга наадам, Монголын шигшмэл хурдан хүлгүүдийн “Их хурд-3” наадмуудад мөн л магнайдаа тоосгүй хурдалж үнэхээр хурдан буян гэдгээ бататгасан юм.  Шарга азарга АХ-ын 86 жилийн ойн баяр наадамд түрүүлж давхар уяагаар “Их хурд-4” наадамд аман хүзүүдэж, АХ-87,88 жилийн төрийн их баяр наадмаар мөн л түрүүлж тод магнай торгон жолоогоо өргүүлсэн билээ.
2.Завхан аймгийн Яруу сумын уугуул,аймгийн Алдарт уяач Цагаанбандийн Баянжаргалын Магнай халтар. Магнай халтар 2006 онд “Тамирын хурд-2006” наадамд айргийн таваар хурдалж, 2007 онд давхар уяагаар “Их хурд-4” наадамд магнайдаа тоосгүй иржээ.
3.Өвөрхангай аймгийн Баруунбаян-Улаан сумын уугуул Дашзэвэгийн Ганбатын Босоо дэлт хүрэн азарга. Босоо дэлт давхар уяагаар шигшмэл хурдан хүлгийн “Их хурд-4” наадамд айргийн гурваар, 2008 онд АХ-ын 87 жилийн ойн баяр наадамд аман хүзүүдэж байсан юм.
4. Ховд аймгийн Дарви сумын уугуул, МУ-ын Алдарт уяач Нямдэлэгийн Баатарын Пума хул.
5. Өвөрхангай аймгийн Бүрд сумын уугуул Нийслэлийн алдарт уяач Маналжавын Дашцэдэвийн улаан хээр.

Б.Долзодмаа