МУ-ын Сайн малчин С.Гомбын мялаалга наадам өргөн боллоо

Нар хур тэгширсэн зуны тэргүүн сарын шинийн 13-ны билэгт сайн өдөр Увс аймгийн Наранбулаг сумын Хужирт багийн харьяат Санжийн Гомбо Монгол Улсын сайн малчин болсон баяраа нутгийн олонтойгоо хуваалцлаа.
Сайн малчны баярт аймаг, сумын цолтой болон залуу хүчит 64 бөх уран мэхийг уралдуулж, их нас, даага уралдан үзэгчдийн  хийморийг сэргээлээ. Тэс сумын харьяат, аймгийн Арслан Л.Жамсран, Хяргас сумын харьяат, аймгийн Арслан Мөнхбаяр нараар магнайлуулсан хүчит  бөхийн барилдаанд Зүүнговь сумын харьяат, аймгийн Арслан Т.Хайдав түрүүлж, Хяргас сумын харьяат, аймгийн арслан Мөнхбаяр үзүүрлэсэн. Харин шөвгийн дөрөвт Тэс сумын харьяат, аймгийн Арслан Л.Жамсран, аймгийн Арслан Б.Бадарч нар үлдсэн юм.  
Их насны морьдын уралдаанд найман сумын 80 гаруй хурдан буян шандас шалгаснаас:
1. Тэс сумын харьяат, аймгийн Алдарт уяач Б.Ууганзаяагийн бор
2. Малчин сумын харьяат Д.Батбаярын Булаг хүрэн
3. Тэс сумын харьяат Б.Шагдаржавын бор алаг
4. Малчин сумын харьяат Д.Идэрмөнхийн хээр
5. Тэс сумын харьяат Ц.Доржсүрэнгийн халтар
6.Тэс сумын харьяат Цогтгэрэлийн хээр
7.Малчин сумын харьяат Б.Батхүүгийн Мөлгөр хээр
8. Наранбулаг сумын харьяат Батчулууны хээр
9. Наранбулаг сумын харьяат Батчулууны бор
10. Өлгий сумын харьяат Ядмаагийн хээр хурдалж, хурсан олноо цэнгүүллээ.
Харин дааганы уралдаанд долоон сумын 60 гаруй хүлэг мордож:
1. Өлгий сумын харьяат З.Дэндэвийн халтар
2. Завхан сумын Цогийн хүрэн
3.  Өлгий сумын харьяат Пүрэвжавын халтар
4. Зүүнговь сумын харьяат Баттулгын бор
5. Тэс сумын  харьяат Б.Ууганзаягийн хүрэн халзан
6. Наранбулаг сумын харьяат Баяртогтохын бор
7. Наранбулаг сумын харьяат Гантөмөрийн хүрэн
8. Улаангом сумын харьяат Цэндсүрэний хээр
9. Улаангом сумын харьяат Мягмаржавын хээр
10. Улаангом сумын харьяат Чимэдцэрэний хүрэн  тус тус цээжинд уралдлаа.

Мялаалга наадам ямар нэгэн будилаан маргаангүй сайхан зохион байгуулалттай болж, наадамчин олон сэтгэл хангалуун байсныг тэмдэглэх нь зүйтэй байх.

“Увсын хурд” МСУХ-ны ажлын алба Б.Замбал