Молор эрдэнэ Магнай халиун

Уясан эзний урмыг тэтгэн, унасан хүүхдийн золыг бадраадаг Т.Болдбаатарын халиун азарга АХ-ын 94 жилийн ой, төрийнхөө их баяр цэнгэлд амжилтаа бататган дахин айрагдлаа. Уралдсан цагаас хойш улс бүсийн наадмаас хоёр түрүү, зургаан айраг хүртээд буй хурдан хүлэгтээ эзэн нь Магнай халиун хэмээх нэрийг хайрласан гэнэ лээ. Энэ цагийн цуут хүлгүүдийн нэг Магнай халиун азарганы уяа сойлгыг Сүхбаатар аймгийн харьяат, аймгийн Алдарт уяач Эзэнмөнхийн Мөнх-Эрдэнэ тааруулдаг билээ.
УДАМ, УГШИЛ:
Эцэг: Халзан сумын уугуул, аймгийн Алдарт уяач Мөнхсүрэнгийн шарга азарга. Шарга азарга мөн л Д.Цэвэгсүрэнгийн халтарын угсааны адуу гэдэг.
Эх: Халзан сумын наадамд есөн жил дараалан түрүүлж айрагдсан Д.Цэвэгсүрэнгийн халтар азарганы төл халтар үрээг тус сумын уугуул Энэбиш агсан авч, азарга тавьсан бөгөөд халиун үрээний эх халтар гүү түүний төл юм.
АМЖИЛТЫН ТОВЧООН:
2011 онд шүдлэн:
-Хөвсгөл аймгийн 80 жилийн ойд аман хүзүү
-Өвөрхангай аймгийн 80 жилийн ойд айргийн дөрөв
2012 онд хязаалан:
-Сүхбаатар аймгийн тэргүүн хүлэг шалгаруулах “Жавхлант шаргын хурд” уралдаанд түрүү
-Сүхбаатар аймаг байгуулагд­саны 70 жилийн ой, зүүн бүсийн наадамд айргийн гурав
2013 онд соёолон:
Сүхбаатар аймгийн тэргүүн хүлэг шалгаруулах “Жавхлант шаргын хурд” уралдаанд аман хүзүү
“Дүнжингаравын хурд-2013” хаврын бүсийн уралдаанд айргийн тав
“Эрдэнэт хурд-2013” бүсийн уралдаанд аман хүзүү
АХ-ын 92 жилийн ой үндэсний их баяр наадамд ес
Хэнтий аймгийн 90 жилийн ой, зүүн бүсийн уралдаанд түрүү
2014 онд хавчиг:
АХ-ын 93 жилийн ой үндэсний их баяр наадамд аман хүзүү
“Хотгойдын хурд-3” бүсийн наадамд айргийн гурав
2015 онд долоотой:
“Дүнжингаравын хурд-2013” хаврын бүсийн уралдаанд түрүү
АХ-ын 93 жилийн ой үндэсний их баяр наадамд айргийн дөрөв