ТҮРҮҮ МАГНАЙ ҮЗМЭН БОР

А.Тэлмэн
2015 оны 12-р сарын 08 -нд

Монголын хурдан морины ертөнцөд залуус цахиур хагалж байна. Уясан хүлгээ түрүүлгэж, айрагдуулан наадамчин олноо цэнгүүлэгч тэдгээр эрхмүүдийн ихэнх нь удам дамжсан уяачид байгаа нь монгол өв соёлын хэлхээс гэлтэй.  Үндэс угсаагаа дээдлэн, өв уламжлалаа эрхэмлэгч тэдгээр эрийн нэг бол Төв аймгийн Сэргэлэн сумын уугуул, Монгол Улсын Манлай уяач Ононгийн Батбилэг юм.  1989 оны улсын баяр наадамд аавынхаа уясан зээрд халзан морийг аман хүзүүнд хурдлуулж байсан тэрээр 2009 оноос  эхлэн өөрийн уясан морьдоо түрүүлгэж айрагдуулах болсон билээ. Хонин жилийн босгон дээр Манлай уяач цолны эзэн болсон О.Батбилэг одоогийн байдлаар улс, бүсийн чанартай наадмаас зургаан түрүү, 21 айраг хүртээд  байгаа юм. Ингээд Манлайн бахархал болсон хурдан хүлгүүдийн нэг Үзмэн борын талаар товч мэдээллийг хүргэе.
УДАМ, УГШИЛ:
Эцэг: Тод манлай уяач Д.Ононгийн Араб бор азарга
Эх: Шийтэрийн зээрдийн угшилтай зээрд гүү
АМЖИЛТЫН ТОВЧООН:
2013 он даага:
АХ-ын 92 жилийн ой, үндэсний их баяр наадамд айргийн гурав
Төв аймгийн 90 жилийн ой, төвийн бүсийн уралдаанд айргийн дөрөв
2014 онд шүдлэн:
АХ-ын 93 жилийн ой, үндэсний их баяр наадамд айргийн тав
2015 онд хязаалан:
АХ-ын 94 жилийн ой, үндэсний их баяр наадамд түрүү
ММСУХ үүсч байгуулагдсаны 20 жилийн ойн бүсийн уралдаанд айргийн гурав
"Тод магнай" сэтгүүл №70

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна