АЙМГИЙН АЛДАРТ УЯАЧ ЖАДАМБЫН ГОТОВ

АЙМГИЙН АЛДАРТ УЯАЧ ЖАДАМБЫН ГОТОВ
Хэнтийн аймгийн Дархан сумын Алдарт уяач Ж.Готов нь 1934 онд Сүхбаатар аймгийн Халзан сумын нутаг Шүүт хэмээх газар малчин ард Жадамбын хоёрдугаар хүү болон мэндэлжээ. Тусад орсон цагаас эхлэн хөдөлмөр эрхэлж, 17 нас хүртлээ өвс хадагч, сүүн заводод цөцгий машиндагч зэрэг ажлыг хийж байгаад 1953 оноос Бүрэнцогтын уурхайд ажиллах болсон байна. Тэрээрөндөр насны тэтгэвэрт гартлаа  өрөмдөгч, бэхэлгээчин зэрэг ажлыг эрхэлж байсан бөгөөд 1948 оны хавар Майн нэгний баярын уралдаанд хар морио түрүүлгэн амжилтын гараагаа эхэлж байжээ. Тэр цагаас хойш 60 шахам жил хурдан морь уяж сойх үйлсэд шамдан аймаг, сумын чанартай наадмаас олон айраг, түрүү хүртэж адуутай нөхөрлөсөн эр хүний баяр бахдалыг мэдэрсэн билээ.
 Ж.Готов Алдартын уяж сойсон хурдан хүлгүүд:
1948 онд Сүхбаатар аймгийн  Халзан сумын баяр наадамд хар морь түрүү
1948 онд Сүхбаатар аймгийн  Халзан сумын баяр наадамд хул соёолон айргийн тав
1950 онд Сүхбаатар аймгийн Өлзийт сумын баяр наадамд  шарга шүдлэн айргийн гурав
1951 онд Сүхбаатар аймгийн Халзан сумын баяр наадамд хээр шүдлэн айргийн дөрөв
1954 онд Сүхбаатар аймгийн Бүрэнцогт сумын баяр наадамд шарга даага аман хүзүү
1955 онд Сүхбаатар аймгийн Түвшинширээ сумын  баяр наадамд шарга шүдлэн айргийн тав
1956 онд Хэнтий аймгийн Баянхутаг сумын баяр наадамд хар морь айргийн гурав
1957 онд Сүхбаатар аймгийн Мөнххаан сумын баяр наадамд хар морь айргийн тав
1958 онд Сүхбаатар аймгийн Мөнххаан сумын өвлийн уралдаанд халиун азарга түрүү
1958 онд Сүхбаатар аймгийн Мөнххаан сумын өвлийн уралдаанд шарга азарга аман хүзүү
1959 онд Сүхбаатар  аймгийн Мөнххаан сумын баяр наадамд шарга соёолон айргийн тав
1960 онд Сүхбаатар аймгийн Уулбаян сумын хаврын уралдаанд шарга азарга түрүү
1961 онд Сүхбаатар аймгийн Мөнххаан сумын баяр наадамд халтар морь түрүү
1962 онд Сүхбаатар аймгийн Мөнххаан сумын баяр наадамд зээрд азарга гурав
1963 онд Сүхбаатар аймгийн Түвшинширээ сумын баяр наадамд хээр хязаалан айргийн дөрөв
1964 онд Сүхбаатар аймгийн Мөнххаан сумын баяр наадамд халтар морь түрүү
1968 онд Сүхбаатар аймгийн Бүрэнцогт сумын баяр наадамд халиун азарга түрүү
1970 онд Сүхбаатар аймгийн Бүрэнцогт сумын баяр наадамд хар морь түрүү
1971 онд Сүхбаатар аймгийн Бүрэнцогт сумын баяр наадамд халиун азарга түрүү
1971 онд Сүхбаатар аймгийн Бүрэнцогт сумын баяр наадамд хүрэн шүдлэн түрүү
1972 онд Сүхбаатар аймгийн Мөнххаан сумын баяр наадамд шарга шүдлэн айргийн тав
1973 онд Сүхбаатар аймгийн Мөнххаан сумын баяр наадамд хонгор азарга айргийн дөрөв
1974 онд Сүхбаатар аймгийн Мөнххаан сумын баяр наадамд халтар морь айргийн гурав
1978 онд Сүхбаатар аймгийн Халзан сумын баяр наадамд хүрэн даага айргийн тав
1979 онд Сүхбаатар аймгийн Мөнххаан сумын  баяр наадамд хонгор азарга айргийн дөрөв
1979 онд Сүхбаатар аймгийн Мөнххаан сумын  баяр наадамд зээрд соёолон айргийн тав
1984 онд Сүхбаатар аймгийн Бүрэнцогт сумын баяр наадамд хүрэн морь айргийн тав
1986 онд Хэнтий аймгийн Бор-Өндөр сумын баяр наадамд халзан морь түрүү
1986 онд Хэнтий аймгийн Бор-Өндөр сумын баяр наадамд бор хязаалан аман хүзүү
1986 онд Хэнтий аймгийн Бор-Өндөр сумын баяр наадамд хонгор шүдлэн айргийн гурав
1987 онд Хэнтий аймгийн Бор-Өндөр сумын баяр наадамд бор соёолон айргийн гурав
1987 онд Хэнтий аймгийн Бор-Өндөр сумын баяр наадамд хээр хязаалан аман хүзүү
1987 онд Хэнтий аймгийн Бор-Өндөр сумын баяр наадамд хонгор хязаалан айргийн гурав
1989 онд Хэнтий аймгийн Дархан сумын баяр наадамд бор шүдлэн түрүү
1990 онд Говьсүмбэр аймгийн баяр наадамд хонгор азарга аман хүзүү
1990-2008 оны хооронд Хэнтий аймгийн Бор-Өндөр, Дархан, Дорноговь аймгийн Айраг, Даланжаргал, Иххэт зэрэг сумын баяр наадмаас есөн түрүү, 10 гаруй айраг авч моринд хайртай монгол түмнээ цэнгүүлжээ.
Ж.Готов Алдартыг залгамжлан өдгөө Г.Энхболд, Мөнхжаргал, Л.Гомбодорж, Г.Доржпалам нарын үр хүүхэд ач  зээ нар нь морь уях төрийн хэрэгт шимтэн, наадамчин олноо цэнгүүлж байна. 
"Тод магнай" сэтгүүл Хэнтий аймгийн тусгай дугаар