МУ-ын Алдарт уяач Тавхайн Далх

Т.Далх нь 1933 онд Аравжаргалант суманд төрсөн бөгөөд бага насандаа хурдан морь унаж, идэр залуу наснаасаа эхлэн адуу маллах болсон билээ. 1959 онд түүний уясан саарал морь аймгийнхаа наадамд айрагдсанаас хойш хүрэн морио гурван удаа түрүүлгэж, нийтдээ  зургаан түрүү, 13 айргаар 1998 онд МУ-ын Алдарт уяач цолыг хүртжээ. Т.Далх аймгийн наадмаас дутахааргүй өргөн дэлгэр болдог төмөр замын баяраас гурван түрүү, зургаан айраг  хүртсэн нь бас л тэмдэглэх ёстой амжилтуудын нэг билээ. Морийг жилийн дөрвөн улирлын турш зөв эдэлж, гамнаж уях ёстой хэмээх зарчмыг баримталдаг алдарт морь уях арга туршлагаа хүү Даваа, шавь Хатанбаатар нартаа эзэмшүүлж, тэд нь аймгийн хэмжээнд үнэлэгдэхүйц сайн уяачид болжээ.
"Тод магнай" сэтгүүл Дорнод аймгийн тусгай дугаар