МОНГОЛ УЛСЫН 2016 ОНЫ ХАМГИЙН ӨНДӨР ЧАНСААТАЙ ЕСӨН УЯАЧ

А.Тэлмэн
2016 оны 12-р сарын 17 -нд

I. Монголын шигшмэл хурдан морьдын "Их хурд-VII" уралдаанаас нэг түрүү хоёр айраг, Ардын хувьсгалын 95 жил, Үндэсний их баяр наадмаас нэг түрүү, дөрвөн айраг, Засгийн Газрын шийдвэртэй бүсийн уралдаанаас гурван түрүү, 10 айраг хүртсэн Дорнод аймгийн Баянтүмэн сумын харъяат, Монгол Улсын Манлай Уяач Ононгийн Батбилэг 82 оноогоор НЭГДҮГЭЭРТ эрэмблэгдлээ
II. Ардын хувьсгалын 95 жил, Үндэсний их баяр наадмаас хоёр айраг, Засгийн Газрын шийдвэртэй бүсийн уралдаанаас хоёр түрүү, есөн айраг хүртсэн Төв аймгийн Сэргэлэн сумын уугуул, Монгол Улсын Алдарт Уяач Түмэндэлгэрийн Ихбаяр 32 оноогоор ХОЁРДУГААРТ эрэмблэгдлээ
III. Ардын хувьсгалын 95 жил, Үндэсний их баяр наадмаас гурван айраг, Засгийн Газрын шийдвэртэй бүсийн уралдаанаас хоёр түрүү, таван айраг хүртсэн Ховд аймгийн Дарви сумын уугуул, Монгол Улсын Манлай Уяач Түвдэнгийн Батцоож 31 оноогоор ГУРАВДУГААРТ эрэмблэгдлээ
IV. Монголын шигшмэл хурдан морьдын “Их хурд-VII” уралдаанаас хоёр айраг , Ардын хувьсгалын 95 жил, Үндэсний их баяр наадмаас хоёр айраг,  Засгийн Газрын шийдвэртэй бүсийн уралдаанаас нэг айраг хүртсэн Өвөрхангай аймгийн Баянгол сумын уугуул, Аймгийн Алдарт Уяач Сантүвийн Хэрлэн 29 оноогоор ДӨРӨВДҮГЭЭРТ эрэмблэгдлээ
V. Ардын хувьсгалын 95 жил, Үндэсний их баяр наадмаас түрүү, Засгийн Газрын шийдвэртэй бүсийн уралдаанаас хоёр түрүү, таван айраг хүртсэн Дундговь аймгийн Хулд сумын уугуул, Аймгийн Алдарт Уяач Баярсайханы Лхагва-Очир 27 оноогоор ТАВДУГААРТ эрэмблэгдлээ
VI. Монголын шигшмэл хурдан морьдын “Их хурд-VII” уралдаанаас нэг түрүү, Ардын хувьсгалын 95 жил Үндэсний их баяр наадмаас нэг түрүү, Засгийн Газрын шийдвэртэй бүсийн уралдаанаас нэг түрүү, хоёр айраг хүртсэн Улаанбаатар хот Багахангай дүүргийн харъяат Нийслэлийн Алдарт Уяач Ганбаатарын Буянтогтох 25 оноогоор ЗУРГААДУГААРТ эрэмблэгдлээ
VII. Засгийн газрын шийдвэртэй бүсийн уралдаанаас нэг түрүү, долоон айраг хүртсэн Дундговь аймгийн Өлзийт сумын уугуул, Аймгийн Алдарт Уяач Дэмчигцоодолын Эрболд 21 оноогоор ДОЛООДУГААРТ эрэмблэгдлээ
VIII. Монголын шигшмэл хурдан морьдын “Их хурд-VII” уралдаанаас нэг айраг Ардын хувьсгалын 95 жил Үндэсний их баяр наадмаас нэг түрүү, Засгийн Газрын шийдвэртэй бүсийн уралдаанаас нэг түрүү, хүртсэн Сүхбаатар аймгийн Эрдэнэцагаан сумын уугуул, Аймгийн Алдарт Уяач Эзэнмөнхийн Мөнх-Эрдэнэ 19 оноогоор чансааны НАЙМДУГААРТ эрэмблэгдлээ
IX. Ардын хувьсгалын 95 жил Үндэсний их баяр наадмаас нэг айраг, Засгийн Газрын шийдвэртэй бүсийн уралдаанаас хоёр түрүү, дөрвөн айраг хүртсэн Төв аймгийн Сэргэлэн сумын уугуул, Монгол Улсын Алдарт Уяач Сашкагийн Эрдэнэбат 19 оноогоор чансааны ЕСДҮГЭЭРТ эрэмблэгдэв.

 

 

 

 

 

 

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна