ДОРНОД АЙМГИЙН МОРИН СПОРТ, УЯАЧДЫН ХОЛБООНЫ НЭРЭМЖИТ ХУРДАН МОРЬДЫН ХАВРЫН УЛАМЖЛАЛТ УРАЛДААНААС...

Дорнод аймгийн ИТХ-н Тэргүүлэгч С.Батмөнх тэргүүнтэй тус аймгийн Морин спорт, уяачдын холбооныхон Монгол цэргийн баярын өдөр Баянтүмэн суманд азарга, их нас, соёолон, эрлийз дээд насны морьдын уралдаанаа амжилттай зохион явуулж өндөрлөлөө. Уралдааны нээлтийн ажиллагааны үеэр Хөлөнбуйр сумын харьяат, ААУ Я.Жамсран, Хэрлэн сум харьяат, ахмад уяач Д.Түвшинбаяр, ахмад морь цоллооч Б.Бат-Өлзий, Хэрлэн сумын харьяат “Наралаг өгөөж тал” ХХК-н захирал Ө.Чулуунханд нарыг ММСУХ-ны 20 жилийн ойн “Хүндэт тэмдэг”-ээр шагнасныг гардуулсан байна.
Их нас- 135
1. Хэрлэн сумын харьяат аймгийн МСУХ-ны Тэргүүлэгч, Халхгол сумын “Халхын То ван” МСУХ-ны Тэргүүн А.Хүрэлбаатарын хар морь түрүү магнайд
2. Сүхбаатар аймгин Түмэнцогт сумын харьяат Ц.Цогтсэргэлэнгийн хээр аман хүзүүнд
3. Халхгол сумын харьяат САУ Б.Батсүхийн буурал айргийн гуравт
4. Хэнтий аймгийн Батширээт сумын харьяат Ц.Энхтүвшингийн шарга айргийн дөрөвт
5. Сүхбаатар аймгийн Түмэнцогт сумын харьяат Б.Сүхбатын хүрэн айргийн тавд хурдаллаа.
Азарга-92
1. Сүхбаатар аймгийн Түмэнцогт сумын харьяат, ААУ  Т.Галбадрахын зээрд түрүү магнайд
2. Халхгол сумын харьяат, ААУ З.Хилийнхүүгийн Загалт хул аман хүзүүнд
3. Хөлөнбуйр сумын харьяат, аймгийн МСУХ-ны Тэргүүлэгч Г.Будхангайн хээр айргийн гуравт
4. Хэрлэн сумын харьяат Д.Бат-Эрдэнийн хар саарал айргийн дөрөвт
5. Хөлөнбуйр сумын харьяат, САУ У.Эрдэнэбаярын хар айргийн тавд хурдалжээ.
Соёолон-78
1. Матад сумын харьяат ААУ Д.Энхтөрийн хонгор түрүү магнайд
2. Матад сумын уугуул, аймгийн МСУХ-ны Тэргүүлэгч П.Гэрэлбаатарын хул аман хүзүүнд
3. Матад сумын уугуул, аймгийн МСУХ-ны Тэргүүлэгч П.Гэрэлбаатарын хүрэн айргийн гуравт
4. Хөлөнбуйр сумын харьяат, САУ Д.Ханшхуягын хонгор айргийн дөрөвт
5. Чойбалсан сумын харьяат, САУ Ө.Пүрэвийн хүрэн айргийн тавд хурдаллаа.
Эрлийз дээд нас-33
1. Хэрлэн сумын харьяат А.Хүрэлбаатарын халтар түрүү магнайд
2. Баянтүмэн сумын харьяат, аймгийн ИТХ-н төлөөлөгч Ж.Цогтбаатарын хүрэн аман хүзүүнд
3. Хэрлэн сумын харьяат, аймгийн МСУХ-ны Тэргүүлэгч Ч.Ариунболдын хээр айргийн гуравт
4. Хөлөнбуйр сумын харьяат, аймгийн МСУХ-н Тэргүүлэгч Г.Будхангайн хул айргийн дөрөвт
5. Баян-Уул сумын харьяат, ААУ Б.Төмөрбаатарын халтар айргийн тавд хурдалж морь, хүүхэд эсэн мэнд сайхан наадам боллоо. Түрүү, айрагт морьдоо хурдлуулсан уралдаанч хүүхдүүдэд “Дорнод хүнс групп” ХХК-ийн захирал Г.Ганзориг гарын бэлгээ гардууллаа.
Дорнод аймгийн МСУХ-ны нарийн бичгийн дарга Б.Батсайхан