Манлайн наадамд төрийн наадмын хүлгүүд уралдав

Ховд аймгийн Дарви сумын уугуул, Монгол Улсын Манлай уяач Дамдинхүүгийн Түвдэн агсны нэрэмжит уламжлалт уралдаан өчигдөр Хүйн долоон худагт боллоо. Нэг дор төрийн наадмын гурван түрүүг хүртэж, монголын хурдан морины түүхэнд онцгойрч үлдсэн түүний гэгээн дурсгалд зориулж, үр хүүхэд гал уяаны хамт олон нь уралдаан зохион байгуулдаг уламжлалтай. “Морин эрдэнэ” галын өнөө жилийн уралдаанд их насны морьд шандас шалгасан бөгөөд 40 гаруй хүлэг бүртгүүлж, гарааны зурхайгаас эргэсэн байна. Ингээд барианд ороход:

1. Говьсүмбэр аймгийн харьяат Д.Баттулгын хул

2. Баянхонгор аймгийн Хүрээмарал сумын уугуул, аймгийн Алдарт уяач А.Батбаатарын саарал.

3. Баян-Өлгий аймгийн МСУХ-ны тэргүүн Х.Нурлатын бор

4. Говь-Алтай аймгийн Шарга сумын уяач Н.Даваанямын бор.

5. Хэнтий аймгийн Дархан сумын уяач Ш.Дархан-Оргилын цавьдар тус тус хурдалжээ. Айрагдсан морьдын хоёр нь төрийн наадамд түрүүлж, айрагдсан хурдан хүлгүүд гэдгийг уншигчид хэлүүлэлтгүй мэдэх бизээ. Ийн төрийн довтой хүлгүүд шандас шалгасан Манлайн нэрэмжит наадам дэлгэр  сайхан боллоо.

Б.Хастөр