Уралдаанч М.Тэмүүн: Улсын наадмаас хоёр түрүү, гурван айрагтай боллоо

2020.07.13-ны өдөр. Борооны улмаас хойшилсон хязаалан насны уралдаан эл өдөр болж, 114 үрээ уралдсанаас Төв аймгийн Алтанбулаг сумын харьяат Г.Ганбаярын хар үрээг 29 дугаартай, 10 настай уралдаанч М.Тэмүүн унаж түрүүлгэсэн юм. 

Түүний хувьд дөрөв дэх жилдээ хурдан морь унаж байгаа бөгөөд улсынхаа баяр наадамд тав дахь удаагаа амжилт гаргаад байгаа нь энэ. Тодруулбал, 
1. 2019 онд Төв аймгийн Алтанбулаг сумын харьяат, “Монмасло”-ын Г.Ганбаярын хар үрээг унаж түрүү 
2. 2020 онд Төв аймгийн Алтанбулаг сумын харьяат, аймгийн Алдарт уяач Д.Ганзоригийн хээрийг эрлийз дээд ангилалд унаж айргийн тав
3. 2020 онд Төв аймгийн Алтанбулаг сумын харьяат Г.Ганбаярын халтар даагыг эрлийз бага нас ангилалд унаж айргийн тав 
4. 2020 онд Төв аймгийн Алтанбулаг сумын харьяат, “Луча” ХХК-ийн Г.Гансүхийн даагыг унаж айргийн дөрөв 
5. 2020 онд Төв аймгийн Алтанбулаг сумын харьяат Г.Ганбаярын хар хязааланг унаж түрүүлгэсэн шилдэг уралдаанчдын нэг юм. 

Мөн хурдан морь унасан дөрвөн жилийн хугацаанд “Цэцэн гүний хурд”-д Бат-Эрдэнийн их морийг гуравлуулж, Тогос хайрхан уулын тахилгаар даагыг нь түрүүлгэсэн удаатай.
Тэрээр Хан-Уул дүүргийн Өлзийт хорооллын 59 дүгээр дунд сургуулийн дөрөвдүгээр ангид сурдаг бөгөөд ирээдүйд уясан морьдоо айраг, түрүүгээр давхиулдаг уяач болохыг хүсдэг. 

П.Ундраа