Аймгийн Алдарт уяач Б.Батсүх: Ийм л үр дүн хүлээж, бүтэн жил уялаа шүү дээ

Сэтгүүлч
2020 оны 12-р сарын 23 -нд

-Зүүн хязгаараас зорин ирж төрийн наадмын хишиг хүртсэнд баяр хүргэе. Баяр наадмын сэтгэгдлээс хуваалцахгүй юу?

-Баярлалаа. Ардын хувьсгалын 99 жилийнхээ ойд хоёр шүдлэнтэй ирж, нэгийг нь айрагдуулсандаа их баяртай байна. Нөгөөг нь мордуулж чадаагүй ээ. Миний үрээнүүд наадмын өмнөх сунгаануудад 50 км/ц-ийн хурд үзүүлж байсан тул төрийнхөө наадамд ирэхээр шийдсэн юм. 
-Сайн мэдээ дуулна гэдэгтээ итгэлтэй байжээ дээ. 
-Ийм л үр дүн хүлээж, бүтэн жил уялаа шүү дээ. Дээр нь мэдээж тэр өдрийн аз хийморь түшсэн байх. 
-Даага улсад уралдсан гэл үү?
-Тийм. Эхний 60 даагыг барьсан. Миний зээрд даага 59-д ирсэн юм. 
-Зүүн бүсийн уралдаануудад одтой сайхан нааддаг. Төрийн наадам гэдгээрээр өөр санагдах юм уу?

-Уяач бүр улсынхаа наадамд морь айрагдуулахыг хүсэж мөрөөддөг байх. Тэр тусмаа унаган тамгатай адуугаа улсын наадамд айрагдуулах гэдэг их хувь завшаан. Тэгж бодоод туйлын их баяртай байгаа. 


-Зээрд, хүрэн адуугаар сайхан наадах юм.
-Манайхан дөрөв, таван үеэрээ морь уяж байгаа улс. Миний мэдэхийн хүрэн зээрд адуутай байсан. Би дөрвөн настай морины нуруун дээр гарч, 13 хүртлээ хурдан морь унасан. Намайг унаж байх үед аавын минь адуу их хурдан байжээ. Айраг, түрүү алддаггүй сэн. Тэгээд 17-тойгоосоо эхлэн бие даан морь уяж, тэр жилээ аавынхаа хонгор морийг сумын наадамд дөрвөөр давхиулж байлаа. 22 настайдаа сумынхаа наадмаас найман айраг, түрүү авч байсан. 
-Уясан цагаасаа эхлээд амжилт гаргасан юм байна. 

-Аймгийн чанартай наадмын 15 айраг, түрүүгийн амжилтаар 2017 онд аймгийн Алдарт уяач цол хүртсэн.
-Морь уясан жилүүдэд тохиосон хамгийн сайхан наадмын дурсамжаасаа хуваалцаач. 
-2015 онд Дорнод аймгийн Чойбалсан суманд Маршал Чойбалсангийн мэндэлсний 125 жилийн ой гэж улсын чанартай том наадам болсон юм. Тэгэхэд миний Сөнгө зээрд даага түрүүлж, их баярлуулж байлаа. 
-Дараагийн удаа илүү дэлгэрэнгүй ярилцах хувь тохиох биз ээ. Бидний урилгыг хүлээн авч ярилцсанд баярлалаа.
-Та бүхний ажилд амжилт хүсье.

Б.Хастөр

4 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

  • 66.181.161.74

    хастөр дандаа нэг хагас дутуу юм оруулахын боль!!!!!

    Reply
  • 66.181.161.46

    То Вангийн удамтай Халх нутгийн унаган хүү, аймгийн алдарт уяач нагац дүүдээ, Уясан морьд нь хурдан , унасан эзэн эь цовоо байж улам их амжилт гаргаж Улсын алдарт уяач болохын өлзийтэй сайхан ерөөлийг өргөн дэвшүүлье.Удам дамжсан уяач хүн дээ. Алсын хараатай, амьдралын зорилготой, хөдөлмөрч мундаг залуу шүү нагац минь.

    Reply
  • 66.181.183.111

    . Баяр хүргэж, их амжилтыг хүсье

    Reply
  • 66.181.189.190

    Turulh nutgaas mini ulsiin tsolton tursungvi

    Reply