Сайн морины доторх олон зүйл махбодын сайн, муу шинж нь гадаад эрхтэнд илрэн гарах зургаан шинж

• Зүрхний шинж нь нүдэнд илрэх бөгөөд нүдний өнгө улаан, хар, мөн ширүүн харцтай бол зориг ихтэй. Нүдний өнгө нь ухаа бол зориг муу байна. 

• Уушгины тэмдэг нь хамрын нүхэнд гарах тул хамрын хөндий уужим, дүгрэг бол сайн. Самсаа бага бол уушги их тул хол зайд давхихад амьсгаадаж цуцах нь амархан тул муу. 
• Бөөрний тэмдэг нь чихэнд илрэх тул бөөр бага бол чих нимгэн, хатуу байна. Зузаан болон зөөлөн бол бөөр их гэж үзэх тул хол газар давхихад муу. 
• Элэгний тэмдэг нь хэлэнд гарах тул хэл нь бага болон цагаан өнгөтэй, хатингар бол сайн. Улаан хүрэн бөгөөд том бол элэг их тул гол дэлдэж давхихад саадтай байна. 
• Дэлүүний тэмдэг нь буйланд гарах тул буйл нь цайвар, хатингар бол сайн. Хөөнгө том байвал дэлүү их, муу байна. 
• Умсны тэмдэг нь ташаа сүврэгдсэнд илрэх тул ташаа сүврэгдсэний хооронд зай бага байвал умс бага, нарийн байх тул сайн. Сүврэгдэс, ташаа хоёрын зай их бол муу.