ТОД МАГНАЙ ПОДКАСТ №85: МУ-ЫН АЛДАРТ УЯАЧ Э.УУГАНБАЯР

Сэтгүүлч
2022 оны 6-р сарын 27 -нд

"Тод магнай" подкастын 85 дахь дугаарын  зочин бол Сүхбаатар аймгийн Халзан сумын харьяат, Монгол Улсын Алдарт уяач Энэбишийн Ууганбаяр байх болно.

Сайн аавын буян, шандаст хүлгүүдийн хийморь, уяачийн эрдэм, ид хаваар гайхуулан унаган хүлгүүдээ төрийн зарлигт наадмуудад түрүүлгэж айрагдуулж буй энэ эрхэмтэй "Жавхлант шаргын хурд" уралдааны дундуур ажлаа завчлан ярилцсан нь энэ билээ.
Яагаав нөгөө "Түмний эх" студийн залуучуудыг буудлын коридорт унтуулан байж авсан ярилцлага маань.
Миний бие хөдөө орон нутагт явахдаа ажлаа завчилж байгаад ганц ч гэсэн илүү ярилцлага, материал авахыг хичээдэг юм. Тэр ёсоор Жавхлант шаргын хурдыг завчлан авсан хоёр дахь подкаст маань үзэгч та бүхэнд хүрч байна.
Алдарт уяач Э.Ууганбаярын оролцсон "Тод магнай" подкастыг үзэхийг хүсвэл 6-р сарын 20-ны даваа гарагийн 11 цагт "Тод магнай" пэйж болон Юүтүбийн Тод магнай сувагт хандаарай.

Эрхэм та бүхнийг морин эрдэнийн хийморь тэтгэх болтугай.

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна