Зүүн бүсэд эхний 10-т хурдалсан хязаалангууд

Сэтгүүлч
2022 оны 9-р сарын 26 -нд

Сүхбаатар аймагт болсон зүүн бүсийн уралдааны хязаалан насанд эхний 10-т хурдалсан хүлгүүдийг уншигч танд танилцуулъя.

1.Ховд аймгийн Чандмань сумын уугуул, МУ-ын Манлай уяач Батчулууны Ерөөлтийн халтар.

2.Сүхбаатар аймгийн Халзан сумын харьяат Ганбатын Ууганбаярын хул. Уяа сойлгыг Гомбосайханы Ууганбатар. Уралдаанч есөн настай Н.Занабазар.

3.Сүхбаатар аймгийн Асгат сумын уугуул Ганболдын Чинтөмөрийн хээр. Уяа сойлгыг Төв аймгийн Баянцогт сумын харьяат нийслэлийн Алдарт уяач Цэнддоржийн Нямдорж. Уралдаанч найман настай А.Мөнгөнсүх.  

4.Дорнод аймгийн Матад сумын харьяат Хаянгаагийн Болоржаргалын бор. Өнгөрсөн жил зүүн бүсийн уралдаанд аравт давхисан бор үрээ өнөө жил Дорнод аймгийн баяр наадамд түрүүлээд, давхар уяагаар зүүн бүсийн хурдад айрагджээ. Уралдаанч есөн настай Э.Энхнаран.

5.Хэнтий аймгийн  Батноров сумын уугуул, аймгийн Алдарт уяач Цэгмидийн Зоригийн хүрэн. Даагандаа Хэнтий аймгийн баяр наадамд түрүүлсэн хүрэн үрээ өнгөрсөн жил уралдалгүй өнжсөн. Харин өнөө жил Хэнтий аймгийн Баянхутаг сумын 90 жилийн ойд гуравт хурдлаад давхар уяагаар зүүн бүсийн хурдад айргийн тавд хурдалжээ. Уяа сойлгыг Баян хутаг сумын харьяат, аймгийн Алдарт уяач Халтарын Авирмэд.  Уралдаанч  есөн настай Эрдэнэчулууны Мөнхсүлд.

6.Сүхбаатар аймгийн Баруун-Урт сумын харьяат Шунуу Батбаатарын шарга. Уралдаанч найман настай С.Чинхүслэн.

7. Сүхбаатар аймгийн Халзан  сумын харьяат аймгийн Алдарт уяач Жамбаацэрэнгийн Дондовдоржийн хээр. Уяа сойлгыг аймгийн Алдарт уяач Дондовдоржийн Дамдиндорж. Уралдаанч есөн настай Цэрэнтогтохын Шинэжаргал.

8. Сүхбаатар аймгийн Баяндэлгэр сумын харьяат аймгийн Алдарт уяач Дамдинсүрэнгийн Аюулгүйн хүрэн. Уяа сойлгыг аймгийн Алдарт уяач Цэнгэлийн Энхтүвшин. Уралдаанч  10 настай Батсайханы Тэмүүлэн.

9. Хөвсгөл аймгийн Рашаант сумын уугуул Шүнжээравдангийн Түвшинбаярын хүрэн. Уяа сойлгыг аймгийн Алдарт уяач Адуучийн Нямбаатар. Уралдаанч Н.Алтансүх.

10.Увс аймгийн Тэс сумын уугуул Мятавын Хүрэлбаатарын  бор. Уяа сойлгыг МУ-ын Алдарт уяач Мөнхбатын Цэрэнжав. Уралдаанч 11 настай Б.Баярбат.

Б.Хастөр

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.