УРАЛДААНЧ А.БАТГЭРЭЛ: ТӨВ ЦЭНГЭЛДЭХЭД ОРОХ МӨРӨӨДӨЛ МААНЬ БИЕЛЖ БАЙНА

АХ-ын 100, 101 жилийн ой, Үндэсний их баяр цэнгэл наадамд хээр халзан соёолонгоо аман хүзүүнд хурдлуулсан Амарсайханы Батгэрэл хүүгийн хэвлүүхэн яриаг  уншигч танд хүргэе. 

-Баяр хүргэе ээ. Өөрийгөө бидэнд танилцуулна уу?

-Баярлалаа. Намайг Амарсайханы Батгэрэл гэдэг. Хөвсгөл аймгийн Мөрөн сумын дунд сургуулийн тавдугаар ангид сурдаг. Уралдаанчийн хувьд гэвэл гурав дахь жилдээ хурдан морь унаж байна.

-Хаагуур хаагуур наадаж байв даа.

-Хөвсгөл аймагтаа л уралдаж байлаа. Энэ удаад анх удаа улсын наадамд ирж оролцлоо. Сайхан санагдаж байна.

-Аймаг, улсын  наадмын уралдаанууд ялгаа их байх юм уу?

-Мэдээж улсын наадамд олон хүн цуглаж, олон морь уралддаг юм байна аа. Бас бай шагнал нь өөр.

-Олон морь уралдахад сүрдэв үү?

-Жаахан л ...

-Уралдааны замд юу бодогддог вэ?

-Унаж байгаа морь бүр өөр өөрийн араншинтай. Энэ удаад дарж уралдах ёстой шүү л гэж бодлоо.

-Айрагт багтлаа гэдгээ мэдэх. Яг энэ мөч их гоё байх даа.

-Тэгэлгүй яах вэ. Үнэхээр гоё юм байна. Гэхдээ барианы цагаан шугамыг давах хүртэл тайвшрах аргагүй санагдсан.

-Өдөр Төв цэнгэлдэхэд орж цоллуулах нь байна шүү дээ. Яаж төсөөлж байна вэ?

-Улсын наадамд морь унах болсноос хойш Төв цэнгэлдэхэд орж үзэх сэн гэж мөрөөдсөн. Энэ мөрөөдөл биелэх болсонд догдолж байна.

-Өчигдөр унтаж чадав уу?

-Наадмын өдрүүдэд унтаж амарна гэдэг хэцүү. Догдлоод нойр хүрдэггүй юм.

-Ээж аав нь хаана амьдарч байна вэ?

-Ээж аав аймгийнхаа төвд амьдардаг. Аав маань морь уядаг байсан ч одоо больчихсон.

-Чи аавынхаа уясан морийг унах уу?

-Үгүй ээ. Агаа л унаж уралддаг байсан. Аав сумын Алдарт уяач цолтой.

-Аавын нь уясан ямар морьд хаана уралдаж байсан бэ?

-Манайх нэг хурдан хээр азарга байгаад зарчихсан. Одоо төлүүдээс нь манай адуунд бий.

-Чи морьдоосоо ямрыг нь унах дуртай вэ?

-Агаагийн хурдан хонгор үрээг унах гоё байдаг юм аа.

-Том болоод ямар мэргэжилтэй  болъё гэж бодож байна вэ?

-Уяач болно доо.

-Уяач гоё уу?

-Гоё байлгүй яах вэ. Тэр тусмаа уясан морь нь түрүүлж, айрагдах бүр ч гоё.

-Одоо даага уралдана. Унах уу?

-Энэ удаад наадам дуусч байна. Даага унахгүй.

-Ярилцсанд баярлалаа. Сайхан наадаарай.

-Баярлалаа. Таны ажилд амжилт хүсье. 

П.Ундраа