"Агт-Эрдэнэ" галын улс, бүс, Их хурд уралдаануудад түрүүлсэн их морь, азарганууд

Сэтгүүлч
2023 оны 5-р сарын 01 -нд

Шилдэг гал уяадын нэг  "Агт-Эрдэнэ" гал их насны морьдын амжилтаараа эрэмбэ дээгүүрт бичигддэг. Тус гал үүсгэн байгуулагдсан цагаас эхлээд өнөөг хүртэл азарга, их насанд нийлээд улсын наадам хийгээд бүсийн уралдаан, Их хурд түрүүлсэн хүлгүүдийг танилцуулъя. 

1.Төв аймгийн Дэлгэрхаан сумын уугуул Ш.Мөнгөншагайн хүрэн морь. Шигшмэл морьдын “Их хурд” уралдаан хийгээд улсын бүсийн уралдаанд дөрөв түрүүлж, нэг аман хүзүүдсэн.

2.Төв аймгийн Лүн сумын уугуул МУ-ын Алдарт уяач Б.Баасанбазарын Дөлгөөн хонгор морь. Шигшмэл хурдан морьдын “Их хурд” уралдаан болон бүсийн уралдаанд хоёр түрүүлж, нэг айрагдсан.

3.Төв аймгийн Баян сумын уугуул, МУ-ын Манлай уяач Х.Цогтсайханы Сүмбэн зээрд азарга. Улсын наадам, шигшмэл морьдын “Их хурд” уралдаанд нэг түрүүлж, хоёр айрагдсан.

4.Төв аймгийн Лүн сумын уугуул МУ-ын Алдарт уяач Б.Баасанбазарын Сувдан зээрд азарга. Улс, бүсийн уралдаанд хоёр түрүүлж, гурав айрагдсан.

5.Төв аймгийн Дэлгэрхаан сумын уугуул Ш.Мөнгөншагайн Жордан халзан морь. Улсын наадам наадамд нэг түрүүлж, улсын бүсийн уралдаанд нэг айрагдсан.

6.Төв аймгийн Баян сумын уугуул, МУ-ын Манлай уяач Х.Цогтсайханы зээрд халзан морь. Улсын баяр наадам хийгээд бүсийн уралдаануудад гурав түрүүлж, хоёр айрагдсан.

7.Төв аймгийн Баян-Өнжүүл сумын уугуул Ч.Батбадрахын зээрд халзан морь. Улсын наадам болон бүсийн уралдаанд нэг түрүүлж, нэг айрагдсан.

8. Баянхонгор аймгийн Богд сумын уугуул, аймгийн Алдарт уяач Ц.Дэлгэрдалайн халтар халзан морь. Улсын бүсийн уралдаанд нэг түрүүлж, хоёр айрагдсан.

9.Өмнөговь аймгийн Цогт-Овоо сумын уугуул Санжаатогтохын Төгөлдөрийн буурал морь. Улсын бүсийн уралдаанд хоёр түрүүлсэн.

10.Төв аймгийн Баян сумын уугуул, МУ-ын Манлай уяач Х.Цогтсайханы хар морь. “Дүнжингаравын хурд-2015” хаврын бүсийн уралдааны түрүү.

11. Улаанбаатар хотын Сүхбаатар дүүргийн харьяат, нийслэлийн Алдарт уяач З.Жавхлангийн хээр азарга. Ховд аймагт болсон баруун бүсийн уралдааны түрүү.

12. Төв аймгийн Баян сумын уугуул, МУ-ын Манлай уяач Х.Цогтсайханы халтар азарга. “Дүнжингаравын хурд-2017” уралдааны түрүү.

Б.Хастөр


0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна