Монгол Улсын Мөнгөн гүүнүүд

Сэтгүүлч
2023 оны 5-р сарын 27 -нд

Адууныхаа үүлдэр угсааг сайжруулахад анхаарч, азарга гүүний тохироог гойд сайн тааруулдаг уяачид, үржүүлэгчдийг дэмжин олгодог шагналын нэг нь Мөнгөн гүү, өргөмжлөл цом юм. 2016 оноос олгосон энэхүү цомыг одоогоор 10 хүн хүртээд байна. Тэдгээрийг танилцуулбал:

2016 онд

1.Төв аймгийн Баян сумын уугуул МУ-ын Тод манлай уяач П.Энхмөнхийн зээрд халзан. 

 2.Төв аймгийн Сэргэлэн сумын уугуул, МУ-ын Тод манлай уяач Д.Ононгийн зээрд. 

 3.Дорноговь аймгийн Сайншанд сумын уугуул, МУ-ын Тод манлай уяач Г.Алтангэрэлийн буурал нармайт. 

 4.Булган аймгийн Гурванбулаг сумын уугуул, МУ-ын Тод манлай уяач П.Мэндбаярын саарал.

2019 онд

1.Төв аймгийн Алтанбулаг сумын уугуул Г.Хадбаатарын хар.

2.Завхан аймгийн Эрдэнэхайрхан сумын уугуул, Тод манлай уяач Н.Даш-Өлзийн зээрд.

2022 онд

1.Дорнод аймгийн Цагаан-Овоо сумын уугуул, Тод манлай уяач Түвдэнжаажидын Батзоригийн халтар гүү. Дөрвөн төл нь улс, бүсийн уралдаанаас найман түрүү, 11 айраг хүртжээ.

2.Дорнод аймгийн Цагаан-Овоо сумын уугуул, Тод манлай уяач Түвдэнжаажидын Батзоригийн саарал гүү. Дөрвөн төл нь улс, бүсийн уралдаанаас хоёр түрүү, хоёр айраг, төлийн төл гурван үрээ нь улс, бүсийн уралдаанаас нэг түрүү, гурван айраг хүртжээ.

3.Сүхбаатар аймгийн Түмэнцогт сумын уугуул,Тод манлай уяач Сарийсүрэнгийн Төмөр-Очирын буурал гүү. Гурван төл нь улс, бүсийн уралдаанаас 15 айраг хүртжээ.

4.Говь-Алтай аймгийн Шарга сумын уугуул, Тод манлай уяач Х.Бат-Эрдэнийн хүрэн гүү. Гурван төл нь улс, бүсийн уралдаанаас зургаан айраг хүртжээ.

Б.Хастөр

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна