Өнөө жил яах бол...
Хоёр түрүү, зургаан аман хүзүү, айргийн гурваар нэг, айргийн таваар хоёр, зургаад хоёр...
Гэнэт л баахан тоо дурьдаад унасан уу. Энэ бол нийслэлийн Алдарт уяач Батсайханы Пүрэв-Очирын өнөө жил улс, бүсийн уралдаанд үзүүлсэн амжилт юм л даа. Нөхөр улсын баяр наадам хийгээд Завхан аймгийн 100 жилийн ой, баруун бүсийн уралдаанд оролцож, төрийн зарлигт наадмаас хоёр түрүү, есөн айраг хүртсэн нь онцлохоос аргагүй амжилт юм.
Түүний энэ амжилт олон туршлагатай уяачийн амнаас гардаг “уяандаа зөв шургуулчихвал, зөв уяатай эхэлчихвэл тэр жил хурдан байдаг” гэсэн үгийг санагдуулж байлаа.
Энэ үгийг түүний багш 20-р зууны манлай уяач Д.Даваахүү олонтаа хэлдэг шүү дээ. Үнэхээр ч энэ жил шавийнх нь уяа зөв эхэлсэн.
Хаврын анхны уралдаан “Ефес кап”-д тус уяаны Баярмөнхийн Цоонямбуугийн хүрэн халзан даага түрүүлсэн бол хэдхэн хоногийн дараа болсон “Хангарьд” уралдааны монгол ангилалд Д.Даяндэмидийн Тод хонгор даага түрүүлж, сонгомол ангилалд Д.Дагвадоржийн Солонго зээрд аман хүзүүнд хурдалсан юм. Харин гурав дахь уралдаан хамгийн их дуулиан дагуулсан. Энэ бол мэдээж “Ирээдүйн түмэн эх”.
Б.Пүрэв-Очирын уясан сөнгө хээр даага 50 км/ц хурдтай явсаар барианд орж олныг шуугиулж орхисон. Бас болоогүй ээ, ахиад нэг даага айрагдах байсан ч хүүхэд нь унаад зургаална лээ.
Эдгээр уралдаанууд тус галынхны хэрэгжүүлж буй үржлийн бодлого зөв байгааг, басхүү Б.Пүрэв-Очир бага адууны уяа, сойлгыг бузгай сайн тааруулж байгааг харуулсан юм.
Хаврын уралдаанууд отголж, таван сарын эхээр Дорнод руу ногоонд гаргаад, тухайн сарын сүүлээр зуны уяагаа эхлүүлэв. Улсын наадам бол уяачдын бүтэн жилийн сурсан мэдсэнийг шалгадаг “улсын шалтгалт”.
Шалгалтандаа бэлтгэн Б.Пүрэв-Очир уяач найман насанд 60 гаруй морь уяснаас тавыг нь хөтлөн ирж, дөрвийг нь улсын наадамд мордуулав.
АХ-ын 102 жилийн ой, Үндэсний их баяр цэнгэл наадамд Хөвсгөл аймгийн Мөрөн сумын уугуул Дорждалайн Даяндэмидийн Нарт хонгор азарга аман хүзүүнд хурдаллаа. Ийнхүү адуун сүргийн манлай азарга аман хүзүүнд хурдлуулж, “Ажнай” галынхаа амжилтын буухиаг үргэлжлүүлэв.
Хонгор азарганы амжилтанд хэр сэтгэл хангалуун байгаа вэ? Таны хүсч байсан үр дүнг үзүүлсэн үү? гэсэн миний асуултанд:
-Юу гэмээр ч юм. Хүүхдийн туршлага жаахан дутав уу? гэж бодсон. Шинэ хүүхдээр унуулчихсан юм. Уг нь энэ жил хонгор азарга их хурдан байсан. Сунгаануудад өнгөнд л уралдаад байсан шүү дээ. Харин Завханд бол амралт нь ихдээд сөрчих шиг болсон...
хэмээн хариулсан юм.
Улсын наадмын дараа хэд хоног морьдоо амраангаа давхар уяанд бэлтгэн чангалаад цаст Очирваань хайрханыг зүглэв. Энэ удаа найман насны 30 гаруй морьд очжээ.
Яг арван жилийн өмнө энэ нутагт ирж наадаад нэг түрүү, гурван айраг хүртсэний ихэнх нь дээд насны амжилт байсан юм. Өөрөөр хэлбэл Завхан аймгийн 90 жилийн ой баруун бүсийн уралдаанд хул азаргаа түрүүлгэж, хүрэн азаргаа гуравт хурдлуулан, их насанд өсгий цагаан хүрэн морь, дааганд хонгор үрээ аман хүзүүнд баригдаж байв.
Энэ удаа амжилтаа бататгаж чадах болов уу. Завхан аймгийн уугуул 10 Тод манлай уяач буй. Заримынх нь адуу илт давамгай амжилт үзүүлж байгаа. Дээр нь төрийн наадмын түрүү, айргийн азарганууд ихэнх нь ирсэн дуулдана.
Азарганы уралдаанд мордсон 105 адуунд алдарт Гоё хээр, Уулс хүрэнгээс эхлээд цуут хүлгүүд цөөнгүй багтжээ. Тэдэн дунд залуу Алдартын сойсон Нарт хонгор, Цоглог халтар, Өсгий цагаан хүрэн, хүрэн азарганууд мөн бий. Давхар болон дан уяаны азарганууд.
Энэ өдрийн аз эз, унасан хүүхдийн авхаалж самбаа мэдэх биз. Азарга барианд ороход Д.Даяндэмидийн Цоглог халтар аман хүзүүдэж, Д.Дагвадоржийн өсгий цагаан хүрэн тавлаж, Нарт хонгор зургаалан, хэдхэн хоногийн өмнө төрийн наадамд есөд хурдалсан хүрэн азарга нь наймд давхив. Ийн Батсайханы Пүрэв-Очирын уясан дөрвөн азарганы хоёр нь айрагдаж, хоёр нь арав дотор давхилаа.
Уяачийн эрдэм, уралдаанчийн авхаалжийг шалгадаг их насны морьдын уралдаанд 205 хүлэг морджээ. Эдний уяанаас мордсон таван мориноос улсад арав гаргаж давхисан хээр нь аман хүзүүнд, өсгий цагаан хээр нь айргийн гуравт баригдав. Ийнхүү шил даран орж ирсэн хээр морьд бол Тод манлайн Таван цагаан хэмээх араб азарганых нь төлүүд юм.
Соёолонгийн уралдаанд шандас шалгасан хурдан хүлгүүдээс Д.Даяндэмидийн хээр хараахан айрагт багталгүй зургаад хурдаллаа. Хязаалангийн уралдаанд тус уяанаас зургаан үрээ мордсоноос хоёр нь уралдааны замд гарсан ч айрагт багтсангүй.
Харин шүдлэнгийн уралдаанд өрсөлдсөн 120 үрээнээс Д.Дагвадоржийн загал үрээ аман хүзүүнд баригдав. Өхөөрдөм дааганы уралдааныг Д.Дагвадоржийн өсгий цагаан зээрд өнгөлж, Д.Даяндэмидийн хонгор удааллаа.
Сонгомол ангилал... Дунд насанд Д.Дагвадоржийн ухаа хонгор аман хүзүүнд, Д.Даяндэмидийн хээр айргийн тавд, зургаад Д.Дагвадоржийн халтар үрээ хурдалжээ. Харин бага насанд Д.Дагвадоржийн хээр түрүүлж, Солонго зээрд нь долоод хурдлав.
Арван жилийн дараах ахисан шатны шалгалтанд залуу уяач амжилтаа ахиулан тэнцэв.
Ийнхүү тал нутгийн хүү алс баруун хязгаар, уулсын орон Завханд аархал дүүрэн наадаж, аль ч насны адууг аятайхан зөв уядгаа батлан тунхагласан зун байлаа.
Тэрээр арван жил өмнө Завхан аймгийн 90 жилийн ойн бүсийн уралдаан болон монгол адууг дэлхийн дээд амжилтанд бүртгүүлэх Гиннесийн уралдаанд үзүүлсэн амжилтаараа Монгол улсын шилдэг залуу уяачаар тодорч байсан. Харин өнөө жил яах бол...
А.Тэлмэн
2 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
103.57.94.122
Goy zaluu
Reply66.181.161.129
Тасархай залуу байна аа. Сайхан ч малнууд таарчээ
Reply