Тайжийн хурдууд шандсаа шалгалаа

А.Тэлмэн
2012 оны 3-р сарын 22 -нд

2011 оны 03 дугаар сарын 13-ны өдөр Дорноговь аймгийн Дэлгэрэх сумнаа "Тайжийн хурд 2011" Дорноговь аймгийн зүүн бүсийн уралдаан болж өнгөрлөө. Уг уралдаанд газар газраас цугларсан азарга, их насны хурдан хүлгүүд тоосоо өргөснөөс  азарганд Дорноговь аймгийн Алтанширээ сумын уяач Сайнбуянгийн хүрэн халзан түрүүлж, Сүхбаатар аймгийн Мөнххаан сумын уяач Даржаагийн халиун удаалж, Дорноговь аймгийн Сайншанд сумын Аймгийн алдарт уяач О.Саруулбаярын хүрэн, Дорноговь аймгийн Өргөн сумын уяач Чулуунсүхийн хүрэн, . Дорноговь аймгийн Мандах сумын уяач Жаргалсайханы хул алаг гэсэн хурдан хүлгүүд айрагдлаа.

Их насанд  Хэнтий аймгийн Дархан сумын уяач Амгаланбаярын сартай хонгор алтан жолоо өргүүлсэн бол, Сүхбаатар аймгийн Түвшинширээ сумын уяач Чинзоригийн хул алаг аман хүзүүнд давхиж, Дорноговь аймгийн Дэлгэрэх сумын Аймгийн алдарт уяач Ш.Энхтүвшингийн буурал духт зээрд, Сүхбаатар аймгийн Баяндэлгэр сумын уяач Чулуунбаатарын буурал, Дорноговь аймгийн Алтанширээ сумын уяач Алтансүхийн хонгор тус тус айрагдаж түмэн олноо баясгасан сайхан уралдаан боллоо.

 

 

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна