“Ирээдүйн түмэн хурд-2012” тодорлоо

Зургаа дахь удаагаа зохион байгуулагдаж буй  “Ирээдүйн түмэн эх” хурдан дааганы уралдаан ням гарагт болж, ирэх цагийн хурдан хүлгүүд тодорлоо. Жил ирэх тусам хүрээгээ тэлж, хурдан морь сонирхогчдын хүсэн хүлээдэг  уралдаануудын нэг болсон “Ирээдүйн түмэн эх”-т энэ жил 172 даага бүртгүүлсэн ч нэлээд хэдэн үрээ мордсонгүй. Хаврын тэнгэр аашаа  гайхуулж цасан хучлагатай сэрүүн өдөр болсон  хэдий ч хаа холоос зорин ирсэн дааганууд хазаар сугсран дүүхэлзэж, эздийн сэтгэлд баярын совин татуулах аж.
Уралдаан товлосон цагтаа эхэлж, гарааны зурхайгаас нэгэн зэрэг эргэсэн газар газрын хурдан хүлгэдийн хөлд тоос хуйлран орчноо бүүдийлгэж асан ч авхаалжит багачууд  хазаар даран довтолно.Ийм зураглалт наадаан хагас цаг хүрэхгүйтэй үргэлжилсний эцэст түрүүчийн хүлгэд барианд орж гийнгоо дуу хадаав.
 1. Дундговь аймгийн Сайханцагаан сумын уугуул Б.Одонбаатарын  хээр
2.Төв аймгийн Баянцогт сумын уугуул Л.Сайнхүүгийн  бор
3. Завхан аймгийн Тосонцэнгэл сумын уугуул Т.Галбадрахын хээр
4. Завхан аймгийн Баянхайрхан сумын уугуул Д.Билгүүндалайн цавьдар
5. Булган аймгийн Могод сумын Н.Базаргарьдын уугуул зээрд
6.Дорнод аймгийн Булган сумын уугуул С.Итгэлийн бор
7. Төв аймгийн Батсүмбэр сумын уугуул С.Лувсанбалдангийн зээрд
8. Төв аймгийн Баян сумын уугуул Х.Цогтсайхны цавьдар
9. Дорнод аймгийн Баяндун сумын уугуул Ц.Чинбатын  хээр
10. Булган аймгийн Гурванбулаг сумын уугуул Д.Хишигжаргалын бор халзан
11. Өмнөговь аймгийн Цогтцэций сумын уугуул Х.Түмэнбаярын хонгор 
12. Дорнод аймгийн Баян-Уул сумын уугуул Э.Энхтулгын хээр
13. Завхан аймгийн Сонгино сумын уугуул Б.Ганбаярын зээрд
14. Архангай аймгийн Эрдэнэбулган сумын уугуул Н.Мөнхбатын хул
15. Төв аймгийн Алтанбулаг сумын уугуул Д.Ганзоригийн  саарал тус тус хурдалжээ.
Өнгөрсөн жилийн түрүү дааганы эзэн Дорнод аймгийн Цагаан-Уул сумын уугуул, аймгийн Алдарт уяач Т.Батзоригийн гал уяаныхан энэ жилийн “Ирээдүйн түмэн эх”-ийг зохион байгуулахаар болсныг морь сонирхогч эрхэм уншигч та бүхэн санаж буй бизээ. “Дорнын унага” гал уяаны хамт олон энэ удаагийн уралдааныг нэлээд чамбай зохион байгуулж, оролцогчдын зүгээс өндөр үнэлэлт аваад  байна. Тэд амласан ёсоороо эхний 15-т хурдалсан хүлгэдийг ийнхүү урамшуулжээ.
1. Түрүү магнай даага: -Тоёота Ланд круйзер-200 жийп автомашин, өргөмжлөл, Алтан медаль цом

2. Аман хүзүү даага: -Субару Форестер дунд ангилалын жийп автомашин, өргөмжлөл, Мөнгөн медаль

3. Айргийн гурвын даага: -Хюндай элентра суудлын автомашин, өргөмжлөл, Хүрэл медаль

4. Айргийн дөрөв: -7000$, өргөмжлөл, медаль дурсгалын зүйл

5. Айргийн тав: 5000$, өргөмжлөл, медаль дурсгалын зүйл

6. Зургаа: -Хонда Мотоцикл, өргөмжлөл, 1500$

7. Долоо: -Хонда Мотоцикл, өргөмжлөл, 1000$

8. Найм: - Хонда Мотоцикл, өргөмжлөл,1000$

9. Ес: -Хонда Мотоцикл, өргөмжлөл, 1000$

10. Арав: -Хонда Мотоцикл, батламж

11. Арван нэг: -Хонда Мотоцикл, батламж

12. Арван хоёр: -Хонда Мотоцикл, батламж

13. Арван гурав: -Хонда Мотоцикл, батламж

14. Арван дөрөв: -Хонда Мотоцикл, батламж

15. Арван тав: -Хонда Мотоцикл, батламж
Энэ өдөр дааганаас гадна шүдлэн насны морьд  шандас шалгасан бөгөөд
1.Сэлэнгэ аймгийн Сүхбаатар сумын уугуул Б.Батсүхийн хээр
2. Говь-Алтай аймгийн Жаргалан сумын уугуул А.Ариунсайханы бор
3. Сүхбаатар аймгийн Түмэнцогт сумын уугуул С.Гантөмөрийн хул
4. Дорнод аймгийн Матад сумын уугуул Б.Цэндбаатарын хул
5. Төв аймгийн Сэргэлэн сумын уугуул Д.Ононгийн хонгор тус тус хурдалж, хурсан олноо цэнгүүлжээ.
А.Энхжил