Дөрөв дэх Манлай хүлэгч төрлөө

Морь бол эрийн чимэг гэдэг. Гэтэл эр хүнээс дутахгүйгээр моринд сэтгэл зүрхээ өгсөн эрэмгий дайчин бүсгүйчүүд бий. Үүний тод жишээ бол Монгол улсад гурван эмэгтэй хүн Манлай хүлэгч цолоор шагнуулсанявдал юм. Хамгийн анхны цолыг МУ-ын Алдарт уяач П.Хорлоодой гуай, хоёр дахийг морин тойруулгын багш, спортын мастер  Ж.Цэрмаа, гуравдахийг Хөвсгөл аймгийн МА-ийн нийгэмлэг МСУҮХ-ын тэргүүн спортын мастер Ш.Пүрэвхүү авсан байдаг аж. Харин 2012 оны 7-р сарын 21-23-ны хооронд Хэнтий аймгийн Өмнөдэлгэр суманд болсон улсын аварга шалгаруулах “Уран уургач, бугуйлч, эмнэг булгиулах” тэмцээний үеэр МУ-ын дөрөв дэхь Манлай хүлэгч эмэгтэй төрлөө. Уг цолны эзэн бол спортын  мастер Ж.Цогзолмаа байлаа. Энэхүү цол гардуулах үйл ажиллагаа тус сумын соёлын төвд болсон юм. Тэрээр бага залуугаасаа моринд сонирхолтой байсан бөгөөд “Мандухай сэцэн хатан” монголын уран сайхны киноны ард морьтой хүнд хэцүү хэсгүүд дээр найзуудтайгаа хамт тоглосон юм билээ.

Ш.Бадмаа